Nilinaw ng Philtranco na hindi permanente ang pagsasara ng kumpanya kundi pansamantala lamang.
Ito ay matapos nitong mag-post sa Facebook ng memo about “Official Business Stop Operation” noong February 2, 2026.
Ang Philtranco, o Philtranco Service Enterprises, Inc., ang pinakamatandang transport system sa Pilipinas. Mahigit isang siglo—111 years, to be eact—na itong nagbibiyahe ng mga pasahero papunta sa Southern Luzon pati na rin sa Visayas at Mindanao.
Parte ng memo na inilabas ng Philtranco noong nakaraang linggo: “It is with a heavy heart and deep regret that I announce the Official Business Stop Operation of Philtranco Service Enterprises, Inc. effective March 30, 2026.”
Binanggit din ang “uphill battle” ng kumpanya para manatili sa operasyon.
“However, due to serious business losses we can no longer sustain our business operations.”
Pirmado ito ni Michael M. Sabban, president and chief executive officer ng kumpanya.
Hindi nagtagal, maraming media outlets ang nagbalita tungkol sa pagsasara ng transport service company.
Read: Philtranco announces date of its last ride after 111 years
PHILTRANCO’S CLARIFICATION
Nitong February 19, naglabas ng panibagong post ang transport service at nagbigay ng paglilinaw.
Pahayag ng Philtranco, hindi raw ito permanenteng magsasara kundi pansamantala lamang.
Narito ang bahagi ng post: “This memorandum is issued to address the confusion and misinformation currently circulating regarding a leaked internal document.
“We wish to clarify the official status of Philtranco Service Enterprises Inc. transport services.
“In accordance with the formal directive from President Michael M. Sabban, dated February 2, 2026, the organization is entering a temporary suspension of operation.
“We wish to emphasize that this directive pertains to a suspension and does not signify a permanent company closure.”
Hindi tinukoy sa pahayag ang sinasabing “leaked information” dahil ang iniulat ng media outlets ay hango sa memo na na-post sa official Facebook page na may 77,000 folowers.
At press time, burado na sa page ang February 2 post, maging ang memo.