Sa panahon ngayon, nagkalat ang mga fake products o items kahit pa binili sila sa isang physical store o sa live selling.
Talamak kasi ang pangongpya lalo na ng mga luxury brands.
Isang dating empleyado ng luxury fashion brand na Louis Vuitton ang nagbahagi ng tips kung paano matutukoy kung fake o original ang isang bag.
Siya si Shelley Alvarado, na naging isang senior account executive at dating Louis Vuitton employee sa branch ng luxury brand sa Topanga, California, U.S., sa loob ng limang taon — mula 2009 hanggang 2014.
Ang artikulo ni Shelley ay inilathala sa Business Insider nito lamang December 13, 2023.
Matapos makilatis ang isang bag, sasabihan nila ang nagpapa-check kung “Louis Vuitton product” o “not Louis Vuitton product” ito.
Sabi ni Shelley: “We were advised not to say 'real' or 'fake' to avoid potential conflicts if a customer got irate.”
Read: PHP44.8M diamond ring "stolen" from Ritz Paris Hotel room, found in most unlikely place
Minsan, may isang babaeng pumasok sa store at nais papalitan ang dalawa niyang bag.
Pagkakita ni Shelley sa bags, alam niyang peke ang mga ito.
“I knew they weren't real, and I had to break the bad news to her. She just took them and left,” lahad ni Shelley.
May isang beses din na may dalagitang pumasok sa kanilang store at nais papalitan ang LV bag nito.
Sa di kalayuan daw ay nakatayo ang manager ni Shelley at kahit malayo ito ay natukoy na agad nitong peke ang bag ng dalaga.
Sabi ni Shelley, “I had to politely tell the young girl that it wasn't a Louis Vuitton product, and she immediately called her father on the phone to tell him she was at a Louis Vuitton store and they told her it was ‘fake.’”
Read: Father to remove son from his last will for breaking this house rule
HOW TO SPOT A FAKE LV BAG
Kahit saan daw siya magpunta, matutukoy niya agad kung fake o imitation ang bag ng mga tao sa kanyang paligid.
Sabi niya, “When you have the product in your hand, and you see it every single day, you can spot certain details.
"If you feel the materials, you'll recognize what feels like luxury and what feels rough and cheap.”
Sabi niya, indikasyon din sa pagkilatis ng bag ang tahi nito. Mukha raw minadali ang tahi ng isang pekeng bag.
Meron din daw “distinct feel” ang monogram-coated canvas ng LV/
Paglipas daw ng panahon, ang coating ng peke ay tumitigas ang nagka-crack.
Isa pang indikasyon ay ang kulay ng item.
Sabi ni Shelley, “There's a richness in color on the real product that doesn't appear obvious at first glance, but once you compare materials you can absolutely tell the difference.”
Ang natural na balat daw ng original monogram bags ay nagiging tan sa paglipas ng panahon.
Dagdag niya pa, “And the red paint along the edges of the handle of the bag is supposed to darken slightly.
“It appears brownish, but it's actually the color it's supposed to turn into after wearing the bag.”
Sa ngayon ay nasa PR agency na raw si Shelley at napansin niiyang lumala na rin ang pagbebenta ng pekeng produkto.
Pero giit niya, “[B]ut I believe there are always details that don't compare to the real product.”