Paiigtingin ang mga patakaran sa paggamit ng mga e-vehicles (electric vehicles) sa kalsada, ayon sa Metro Manila Development Authority (MMDA).
Bukod sa dapat ay lisensiyado ang owner ng e-vehicle, dapat maiparehistro sa Land Transportation Office (LTO) ang e-vehicle na may speed capacity na 50/kph.
Ito ay ayon sa Administrative Order 2021-039 ng LTO.
Inihayag ito ni Victor Nuñez, head ng Traffic Disciple Office for Enforcement ng MMDA, sa interview niya sa ABS-CBN News, noong June 14, 2022.
Sabi ni Nuñez, naging maluwag ang pagpapatupad nila ng batas trapiko pagdating sa e-vehicles nitong pandemya.
Limitado kasi ang options para sa public transportation.
Pero hindi na puwedeng ipagsawalang-bahala ng MMDA ang mga kaso ng disgrasya sa kalsada pagdating sa e-vehicles.
Nakapagtala ang MMDA ng 346 e-vehicle-related accidents noong 2021, habang 82 accidents ang naitala mula nitong January hanggang May 2022.
Sabi pa ni Nuñez, “Since the mass public transport is back to its one-hundred percent capacity, and the face-to-face class is about to resume in a couple of weeks, we know that many students might use these e-bikes and e-scooters.
“We just want to promote road safety.”
Dahil na rin sa napakataas na presyo ng gas na nagdulot sa pagtaas ng pamasahe, marami ngayon ang bumili ng e-vehicles bilang alternative mode of transportation.
Paglilinaw ni Nuñez, wala silang balak ipagbawal ang paggamit ng e-vehicles.
Pero pinaalalahan ang riders tungkol sa mga limitasyon nito.
Sabi ng opisyal, “The road operation of e-vehicles and e-scooters and e-bikes must be limited to bicycling barangay roads, and they must always give the right of way to the incoming traffic…
“And they’re not allowed to pass through the middle of thoroughfares.”
Related article: GUIDE: E-Scooter and E-Bike Registration, License Requirements