When to get your booster shot if you have COVID-19 symptoms

DOH naglabas ng guidelines

by Pia Regalado

Published Jan 18, 2022

Naglabas ng guidelines ang DOH kung kailan dapat magpa-booster shot ang isang indibidwal na may COVID-19 symptoms o kaya ay nagpositibo.

Ang mga indibidwal na fully vaccinated na at nakararanas ng COVID-like symptoms, o nagpositibo sa coronavirus ay dapat sumunod sa mga guidelines bago sila magpa-booster shot.

Ito ang inihayag ng Department of Health noong January 17, 2022 sa harap ng patuloy na pagtaas ng kaso ng COVID-19 sanhi ng Omicron variant.

Ayon kay Dr. Beverly Ho, head of the DOH Health Promotions Bureau, sa panayam ng reportr, may panganib na makahawa sa iba ang isang nagpapagaling pa lang sa COVID-19 kung magpapa-booster shot agad ito.

Naririto ang mga dapat tandaan bago kayo magpa-schedule ng booster shot:

Dapat na tatlong buwan na ang nakaraan matapos ang inyong second dose ng AstraZeneca, Pfizer, Sinovac, Moderna o Sputnik.
Dapat na dalawang buwan na ang nakaraan kung ang inyong bakuna ay single dose ng Janssen vaccine.
Dapat na natapos na ninyo ang itinakdang isolation period (kung nagkaroon ng symptoms o nagpositibo).
Hindi na kayo nagkaroon ng lagnat sa nakalipas na 24 oras kahit hindi kayo uminom ng gamot.
Kung nawala na ang inyong respiratory symptoms (gaya ng ubo at sipon).

ADVERTISEMENT - CONTINUE READING BELOW ↓

Sinabi ni Ho na iba’t iba ang symptoms na nararamdaman ng bawat indibidwal. Kung may iba pang symptoms o nararamdaman, mas makabubuti aniya na kumonsulta sa health practitioner.

This article was created by Reportr.world.

Translated from English: KC Cordero

ADVERTISEMENT - CONTINUE READING BELOW ↓