Ngayong 2021, naitala ang pinakamababang dagdag sa populasyon ng Pilipinas sa loob ng mahigit 70 na taon.
Ayon sa ulat na inilabas ng Commission on Population and Development (PopCom) noong December 27, 2021, nadagdagan ang populasyon ng Pilipinas ng 324,000 ngayong taong ito.
Mababa ito kumpara sa naging dagdag noong 2020, kung saan may naitalang 914,797 births.
Iniuugnay ng komisyon sa pandemya ang pinakamababang dagdag sa ating populasyon simula noong 1946 at 1947, na may naitalang 254,000 births.
Paliwanag ni PopCom Chief Dr. Juan Perez III, naging praktikal ang mga Pilipino kaya hindi nagdadagdag ng bilang sa kanilang pamilya.
Mahirap din aniya ang magkaroon ng anak sa panahon na magkasabay ang krisis pang-ekonomiya at pandemya.
Karamihan din aniya sa mga couples ay nag-family planning.
Ayon kay Perez, “Couples in growing numbers continue to avail of family planning commodities and services in all regions of the country, with eight million users of modern family planning methods in 2020, or an addition of about 500,000 from 2019.”
DAGDAG SA POPULASYON, MABABA SA TWO MILLION NA PROJECTION
Ang karagdagang 324,000 Pinoy ngayong taon ay ibinatay ng PopCom sa preliminary reports ng Philippine Statistics Authority (PSA) mula January 2020 hanggang August 2021.
Tinatayang aabot ang ating populasyon sa 109,991,095 sa pagtatapos ng 2021.
Mababa ito ng dalawang milyon kumpara sa naunang projections na nakabatay sa 1.63 percent population growth rate.
Lumalabas na nagkaroon lang 0.3 percent population growth rate mula January 2020 hanggang August 2021.
Sinabi ni Perez na dahil sa mababang 2020-2021 population growth, mas malaki ang tsansa ng bansa at ng mga pamilya na makabangon mula sa mga epekto ng pandemya.
Aniya, “If integrated population and development measures are sustained, we can look forward to a more stable population that can effectively support Philippine development.
“Smaller family sizes need to be supported by a national living wage structure that also allows parents to save for their households’ unmet needs in food, housing, and education.”