Nasungkit ng swimmer na si Ariel Joseph Alegarbes, 17, ang gold medal sa 2021 Asian Youth Paralympic Games sa Manama, Bahrain.
Ito ang kauna-unahang gintong medalya ng Pilipinas ngayong edition ng quadrennial multi-sports event para sa Asian athletes with physical disabilities.
Nakapagtala si Alegarbes, ng 1 minute at 1.96 seconds para sa S14 100-meter butterfly event.
Sumunod naman kay Alegarbes si Rei Kagose (Japan) ng one minute at 2.74 second para makopo ang silver, habang ang Thai na si In-Choo ay nakapagtala ng one minute at 6.93 seconds para makuha ang bronze.
Bukod pa sa kanyang gintong medalya, nakasungkit din ng dalawang silver medals si Alegarbes sa SB14 100-meter breaststroke (with one minute and 17.75 seconds, at sa 100 meter backstroke category.
Si Alegarbes ay taga-Negros Occidental.
Noong siya ay five years old, na-diagnose siyang may Attention Deficit Hyperactivity Disorder (ADHD), language learning disorder with dyslexia.
Ang kauna-unahang gold medal ng bansa sa quadrennial event ay nakuha ni Jomer Anden noong 2013 sa men’s long jump F12 classification event.