Naglabas ang Philippine General Hospital (PGH) ng anunsiyo noong Agosto 24, 2021 na hindi muna tatanggap ng mga pasyente sa emergency room nito.
Maraming kasing naka-confine na COVID-19 patients ang nangangailangan ng intensive care.
Kapag tumanggap pa ang government-run hospital ng mga bagong kaso ay baka hindi na matugunan ng mga health workers nito ang kalagayan ng mga karagdagang pasyente.
Naririto ang buong pahayag ng PGH: "Higit 100 na sa una naming itinakdang 230 na bilang ang kasalukuyang COVID-19 patients na naka-admit sa PGH, at karamihan sa mga ito ay nangangailangan ng intensive care, high-flow oxygen, at ventilators.
“Malalagay lang sa peligro ang kapakanan ng mga pasyente, at pati na rin ang aming mga kawani, kung ito ay hahayaan naming madagdagan pa.
“Sa kadahilanang ito: PANSAMANTALANG HINDI MUNA TATANGGAP NG PASYENTE ANG PGH sa aming Emergency Room.
“Humihingi po kami ng inyong paumanhin at pang-unawa. Patuloy po kayong makipag-ugnayan sa aming PGH Transfer Command Center.”
Maaaring tumawag sa PGH Transfer Command Center mula alas sais ng umaga hanggang alas diyes ng gabi.
Ibinigay rin ng PGH ang mga sumusunod na contact numbers ng PGH TCC:
09323390827 (SUN: Viber & Telegram)
09555492755 (Globe)
85249966 (Direct line)
85548400 local 2538 or 2539
Maaari ring mag-email sa: pghcc@gmail.com.