Magandang balita para sa mga loyal customers ng FitFlop.
Muling ilulunsad sa local market ang footwear brand ngayong October 2021.
Ang MAP Active Philippines, Inc., isang subsidiary ng PT MAP Indonesia at nangungunang lifestyle retailer and distributor sa Southeast Asia, ang magiging bagong distributor ng FitFlop sa Pilipinas.
“We are thrilled to announce this new partnership...to reinvigorate the FitFlop brand in the Philippines,” pahayag ni Margaret Ma, general manager ng FitFlop APAC.
“Their longstanding expertise and knowledge of the local market combined with our innovative footwear designs will allow us to reach new heights as we continue to serve our loyal Filipino clientele.
“The Philippines remains an important market for FitFlop and we are absolutely committed to our customers in this region.”
Sa muling paglulunsad ng operasyon ng FitFlop sa Pilipinas, bubuksan muli siyam na outlets nito sa SM Pampanga, SM Cabanatuan, SM Bacolod, SM Megamall, SM North Edsa, Ayala Centrio, Ayala Abreeza, Trinoma, at Robinsons Place Manila.
Noong June 30 ay inihinto ng FitFlop ang operasyon ng physical and official online stores nito.
Bahagi ng announcement ng brand sa Facebook page nito:
“Today, June 30, is the last day of operations for all FitFlop stores, both online and offline.
“We'd like to thank you for your support, and hope you continue to enjoy our products."
Na-establish ng Canadian entrepreneur na si Marcia Kilgore ang FitFlop noong 2007, at naging popular dahil sa unique na disenyo, comfort, and arch support.
Ang Primer Group of Companies ang nagdala nito sa Pilipinas.
Noong May 16, 2008, isang taon matapos i-launch ang brand, mas sumikat ito nang banggitin ni Oprah Winfrey sa kanyang television talk show na ito ang kanyang summer favorite.
Kabilang sa mga Hollywood celebrities na nagsuot nito ay sina Hilary Swank, Heidi Klum, Jennifer Garner, at Jessica Biel.
Nasa merkado ng 50 bansa kabilang ang Pilipinas, tinatayang mahigit 22 milyong pares ng Fitflop na ang naibenta sa buong mundo.