“I think we’re better,” deklarasyon ni Zsara Laxamana nang tanungin sa isang press conference tungkol sa pagkakaiba ng VMX Babes sa Viva Hot Babes.
Isa si Zsara sa mga miyembro ng VMX Babes, ang bagong singing group ng VMX stars.
Ang Viva Hot babes naman ang sikat na girl group ng Viva na itinatag noong 2003.
Ang VMX Babes ay may orihinal na pangalang VMX Hot Babes, pero hindi na nila ginagamit ang salitang "Hot" bilang respeto umano sa Viva Hot Babes.
Read: Zsara Laxamana: "I think we're better" than Viva Hot Babes
VIVA HOT BABES REACTS TO "WE'RE BETTER THAN THEM" STATEMENT OF ZSARA
Mangyayari ang reunion concert ng Viva Hot Babes, na pinamagatang Bulaklak, sa Oktubre 23, 2026 sa New Frontier Theater.
Kasama sa reunion concert sina Maui Taylor, Andrea del Rosario, Gwen Garci, Jaycee Parker, Jennifer Lee, Ella V., Sheree, at Katya Santos.
Sa media conference para sa Bulaklak na ginanap sa Viva Café noong Miyerkules, Agosto 19, tinanong sa kanila ang reaksiyon ng grupo tungkol sa naging pahayag ni Zsara.
Natawa ang mga miyembro ng Viva Hot Babes nang marinig nila ang tanong.
Si Katya ang nagsilbing tagapagsalita ng Viva Hot Babes kaya siya ang sumagot para sa lahat ng mga kasamahan niya.
Saad niya: “For the VMX Babes, we’re in the same company, so siyempre natutuwa kami na they look up to us.
"Sinasabi nga nila, para daw nila kaming mga ate. Nakakatuwa naman yung ganoon na nai-inspire sila sa amin.
"And being in the same company, we also want to support them as well as they want to support us.
“Sabi nga namin, instead of having any competition, it’s nice that nai-inspire niyo yung isa’t isa."
Pagpapatuloy ni Katya: “Ang gusto namin laging i-promote as a group is yung women empowerment. Na we have to support each other.
“Hindi dapat tayo magkaroon ng competition. Hindi tayo dapat magkaroon ng mga inggitan, yung mga mas magaling kami sa inyo.
“We all want to celebrate the success of each and everyone.
"So, sa VMX Babes, happy kami for them na nabuo sila, but they’re in a different path.
"Of course, different era din. Iba naman yung grupo nila sa group namin."
"We’re happy for them and we also want to support them sa mga gusto nilang gawin.”
Read: Athena Imperial's complaint against Nico Waje dismissed
VIVA HOT BABES ON VMX BABES: "We want to see them after twenty years."
Pagkatapos ng mahabang sagot ni Katya ay nagbigay siya ng opinyon tungkol sa "I think we’re better" na pahayag ni Zsara.
Walang pagtataray sa boses ni Katya nang sabihin nito: “You know, honestly, hindi pa namin sila nami-meet personally and hindi pa namin talaga kilala kung sino ba sila.
“So, wala kaming idea kung sino ang nagsabi. I think that’s a very nice motivation for them to say na mas magaling sila sa amin.
“And you know, they’re entitled to their own opinion.
"But again, ito na lang. Yung sa amin siguro, we’ll see after twenty years. We want to see them after twenty years.
“We have to say that after being here in the business ng twenty years.”
Hindi rin napigilan ni Maui na hindi magsalita tungkol sa isyu.
Sabi niya: "Yung group kasi namin, proven and tested that we had hit songs, we’ve had so many hit movies on our own, we had so many hit shows.
"They need to prove that also."
Read: Sugarpop member Vanessa Rangadhol dies at 30 after accident
VIVA HOT BABES REUNION
Noong Enero 2026, inilahad ni Katya sa pamamagitan ng isang Facebook post na hindi magkakaroon ng reunion concert ang Viva Hot Babes matapos ang matagumpay na reunion show ng Sexbomb sa Smart Araneta Coliseum noong Disyembre 4, 2025.
Hindi itinanggi ni Katya ang kanyang Facebook post, pero nagkuwento siya tungkol sa mga nangyari kaya maisasakatuparan sa Oktubre 23, 2026 ang Viva Hot Babes reunion concert.
“Yes, I am fully aware I said early January na there’s no reunion happening for all of us.
"Kasi nga po that time, we have our own personal priorities so hindi naman naisip.
“But then, this June lang po, nabigla rin kami talaga. Ipinatawag kami ni Boss Vic [del Rosario, Viva big boss].
"And he said, ‘Mag-reunion tayo. Kasi kung hindi ninyo ito gagawin, kailan pa? Ngayon ang panahon ng lahat ng mga nagre-reunion so gawin na natin ito.’
“And kami naman, parang naisip namin, oo nga. Siguro kapag may sinabi si Boss Vic na vision niya na ganoon, kailangan sundin mo. So, ang hirap din mag-no.
“Siyempre ang naging ano namin was naniniwala pa rin si Boss Vic sa amin, so let’s do this, kaya kami nakapag-decide na mag-reunion."
Dagdag ni Katya: “I think this reunion is also an opportunity for us to grow as an artist. To open doors for each and everyone of us again.
"Minsan lang itong darating, grateful kaming merong Boss Vic, merong Viva na magsu-support sa amin.
“Medyo nape-pressure kami kasi ang bilis po talaga ng mga pangyayari.”
Read: Katya Santos, itinanggi ang Viva Hot Babes reunion show