Itinanggi ng dating bold star na si Amanda Amores, 57, na gumawa siya ng mga penetration movie — o mga pelikulang may aktuwal na eksenang pakikipagtalik —noong dekada ’80.
Sa panayam sa kanya ni Julius Babao sa YouTube channel nito, tahasang itinanggi ni Amanda na may mga ginawa siyang pene movies.
Pasakalye niya: “Alam na naman nila yung tama at mali. Kung gagawin man yon, halimbawa nauso yon. Walang masama, buhay nila yon, di ba.
“Pero yung mga gumawa nang ganoon, nirerespeto ko sila, alam kong may eksenang ganoon kasi trabaho nila yon.”
Read: Boss Toyo apologizes after Kara David documentary backlash
Kasunod nito ay pinabulaanan niyang gumawa siya noon ng pene movies.
Saad ni Amanda: “Sa mga nanonood, tingnan nilang mabuti. Makikita naman nila kung totoo o hindi. In-edit yan.
“May mga kuwento sa probinsiya na may mga bold-bold na sabi ko, ‘Anong pelikula? Anong title? Teka, yang movie na yan, parang eksena ko lang dun. Alam ko, alam ko ang eksena ko dun.’
“Pero yung mga naging kakilala ko na naglalabas sa probinsiya, nauso yon. Nauso yung 'nagkakarga' ang tawag."
"Nagkakarga" ang terminong ginagamit noon sa bold films na kinakargahan o sinisingitan ng X-rated scenes.
Pagpapatuloy ni Amanda: “Sa akin kasi, makikita naman nila yun. Kagaya nung ininterbyu mo dati, may kinasuhan siya, mukha, in-edit.
"Sa mga nanonood, makikita nila kung nakatutok dun, diretso o puma-panning.
"Sila na ang makakasabi nun. Pero sa ibang marunong hindi tumingin, basta nanood lang sila, yun ang iisipin nila.
"Kaya kapag may nagtatanong sa akin ‘Totoo ba yon?' ' Tingnan mo na lang,'” paliwanag at pagtanggi ni Amanda.
Ipinarating ni Julius kay Amanda na napapanood pa rin hanggang ngayon sa Internet ang mga lumang pelikula ng bold star, tulad ng Tag-init…Nagpuputik ang Langit (1987).
Binanggit ni Julius ang pangalan ni Myra Manibog, na kasabayan ni Amanda sa pagpapaseksi sa mga pelikula noong dekada ’80 at hindi ikinahiyang nagbida sa pene movie projects.
Read: Pokwang, Meryll Soriano defend Joshua Garcia over pro-Sara Duterte deleted post
"FIRST" MAN IN AMANDA AMORES' LIFE
Nagulat din si Julius nang sabihin ni Amanda na ang asawa nitong si Richard Yu ang unang lalake sa buhay niya.
“Si Richard ang first experience mo pagdating sa pagmamahal? Wow!” sabi ni Julius sa rebelasyon ni Amanda.
Nabiyuda si Amanda noong 2021 dahil namatay sa COVID si Richard, na dating barangay chairman sa Barangay Sto. Domingo, Quezon City.
Naranasan naman ni Amanda na magsilbi bilang kagawad sa barangay nila.
Sabi pa ni Julius: “Sorry dun sa mga malungkot. Hindi siya yung mga napanood ninyo.
"Dinaya pala yon? Ang akala kasi ng mga ito ikaw yun, e?
"So, si Richard ang kanyang first experience."
Ang deklarasyong ito ni Amanda ay siguradong ikagugulat ng mga nakapanood ng pelikulang pinagsamahan nila nina Bobby Benitez, Tony Martinez, Ronald Nepomuceno, at ng mga pumanaw na aktor na sina George Estregan at Mark Joseph.
Gaya ni Myra, buong tapang na inamin ni Bobby sa isang panayam na nagbida at gumawa siya noon ng penetration movies.
Read: Vice Ganda claps back at Kim Chiu fans' "kacheapan"; Kim reacts