The Greatest Showdown ang pamagat ng pelikulang pagsasamahan nina Vic Sotto at Vice Ganda.
Opisyal na inanunsiyo ang pagtatambal sa pelikula nina Vic at Vice sa isang mall show na ginanap nitong Linggo ng hapon, 4 P.M., sa Atrium ng Gateway Mall 2 sa Araneta City, Cubao, Quezon City.
Natuloy din, sa wakas, matapos ang "masinsinan na pag-uusap ng mga pangunahing hosts ng Eat Bulaga! ng TV5 at It’s Showtime ng ABS-CBN."
Read: VIRAL: The story behind a house blessing for rented Airbnb
QUICK FACTS ABOUT The Greatest Showdown
Si Jun Robles Lana ang napiling direktor ng The Greatest Showdown na co-production venture ng ABS-CBN Studios, Star Cinema, Idea First, MZ Productions, at APT Entertainment.
Kahit hindi ibinalita, pinaniniwalaang isasali sa 52nd Metro Manila Film Festival sa Disyembre 2026 ang pelikula nina Vic at Vice na hindi pa man nag-uumpisa ay inaasahan nang magiging top-grosser.
Sa kauna-unahang pagkakataon, narinig si Vic na bumati ng "Hi, madlang-pipol,” na signature greeting ng mga hosts ng It's Showtime.
Ang bungad naman ni Vice nang umakyat sa entablado, "What’s up, Dabarkads?”
Nagbigay pa ng teaser ang Kapamilya star tungkol sa kanyang upcoming movie.
"Kung naranasan ninyo ng mapanood ang pelikula ko na drama ng dalawang magkasunod na taon, tapos nagseryoso naman si Bossing Vic [The Kingdom, 2024], this year, hardcore-todo-comedy ang gagawin naming dalawa.
"Walang kaseryosohang proyekto. Ang seryoso lang dito ay yung tawa at halakhak nating lahat,” ang sabi ni Vice.
Sundot ni Vic: "Pero bukod sa tawa at halakhak, nasisiguro namin na marami kayong mapupulot na aral.”
Read: Here's why Vice Ganda paid tribute to Eat Bulaga, other noontime shows
IS THIS THE END OF NOONTIME WAR?
Isang araw bago idinaos ang mall show para sa The Greatest Showdown, nagbitaw si Vice sa It’s Showtime ng linyang, “Bukas maaaring wakasan namin ang noontime war.”
Matagal nang magkalaban ang mga pangtanghaling programa nina Vice at Vic.
Magdiriwang ng 47th anniversary ang Eat Bulaga! this year, habang 17th year naman ng It's Showtime. Nakaikot na rin sila sa iba't ibang networks: ABS-CBN, TV5, at GMA-7.
Ilang beses ding nagparinigan ang mga hosts sa ere.
Pero dahil sa proyektong ito, malaki ang posibilidad na mangyari ang sinabi ni Vice.
Sinong mag-aakala na ang It’s Showtime ng ABS-CBN ang ipapalit sa nabakanteng timeslot ng Eat Bulaga! sa GMA-7, di ba?
At hindi imposible na mapanood sina Vic at Vice sa magkaribal na programa nila lalo na ngayong may partnership muli ang ABS-CBN at ang TV5.
Abangan na lang natin ang iba pang surpresa!