Natawa at hindi aprektado ang aktres na si Andrea del Rosario sa social media post na nagsasabing dapat daw ituring sila ng kanyang asawang si Anthony Garcia bilang "persons of interest" dahil sa larawan nila kasama si Senator Ronald “Bato” dela Rosa.
Hindi pa natutukoy ng mga tumutugis sa senador ang kinaroroonan nito mula nang umalis siya sa Senado noong Huwebes ng madaling-araw, Mayo 14, 2026, ilang oras matapos mangyari ang putukan na dahilan kaya nagkagulo at ni-lockdown ang naturang lugar.
May mga ulat na, diumano, namataan si Bato sa Batangas.
Dahil dito, nadamay sa usapin si Andrea at ang asawa niya dahil sa larawan na ibinahagi ng aktres sa social media noong Sabado, Mayo 16, 2026.
Caption dito ni Andrea: “Thank you for dropping by sir!”
Read: Mel Tiangco, Karen Davila trend online after interviews with Bato
Dahil sa ibinahagi niyang larawan, napagdudahan tuloy na may alam si Andrea sa kinaroroonan ng senador, na may arrest warant sa International Criminal Court (ICC).
Natawa ang reaksiyon ni Andrea nang hingin ng Cabinet Files ngayong Lunes, Mayo 18, ang kanyang reaksiyon.
Pero hindi niya itinanggi na nagkita sila noon ni Bato kaya may litrato silang magkasama.
Paliwanag ni Andrea: “A photo can mean one of a million things! There’s no right up there, no political opinion on the post! You can make of it what ever you want!
"We all have freedom of speech and freedom to post! It’s just a photo taken 3 years ago!”
ANDREA DEL ROSARIO ADMITS REPOSTED PHOTO WAS JUST "FOR FUN"
Ayon kay Andrea, “for fun” lang ang reposting niya sa larawan nilang mag-asawa kasama ang nagtatago sa batas na senador.
Diin niya sa Cabinet Files: “That’s an old photo…. Maybe 3 years ago!
"I posted this for fun — just riding the issue for the memes. And it worked!
“I am not sharing an opinion, I am not soliciting an option! I am not taking any side.”
Read: DOJ issues immigration lookout order against Bato dela Rosa