Nabanggit ang pangalan ni Dominic Roque sa ginanap na media conference ng Project Baby, na pinagbibidahan ni Sue Ramirez.
Tinanong ang aktres kung gusto na niyang magkaroon ng anak sa kanyang karelasyon na aktor.
"Why not? Sana. Kung maibibigay, di ba? I think Dominic will be a very, very good father in the future, if he does want to have kids,” ang reaksiyon ni Sue na nakausap ng entertainment press ngayong Sabado ng hapon, Mayo 16, 2026, sa Cinema 6 ng Eastwood Mall, Libis, Quezon City.
Kasama ni Sue si Rico Blanco sa pelikula ng Regal Entertainment Inc. na ipapalabas sa mga sinehan sa Hunyo 10.
Read: Singha beer heir Psi Scott accuses older brother of sexual abuse; Pi Scott denies claims
SUE RAMIREZ'S BIRTHDAY WISH
Magdiriwang si Sue ng ika-tatlumpong kaarawan sa Hulyo 20.
Ayon sa kanya, handa na siyang magkaroon ng sariling anak.
"Matagal ko na siyang gustong mangyari for me. Kapag tinatanong ako, ano bang gusto ko pang mangyari? Sabi ko, parang nagawa ko na lahat. Ang dami ko nang nagawa.
"Pero gusto kong maging nanay.
"Gusto kong maging nanay na katulad ng nanay ko. Yun ang lagi kong sinasabi."
Aminado raw siya na may konting pressure dulot ng edad.
Sa pagpapatuloy ng aktres: "Yun nga, inevitable yung ticking timebomb ng pagiging isang babae.
"Kailangan na siya ng kilos at galaw soon kung gusto nating may mangyari at may mabuong bata.
"Pero right now, I am still busy working. Pero kung ibibigay sa akin, why not?”
Parang naghahanda na rin Sue dahil "Titang Ina” ang tawag sa kanya ng mga pamangking itinuturing niyang mga anak.
Okay lang ba sa kanya na magkaanak kahit hindi pa kasal?
"Oo naman” ang sagot ni Sue.
Ang karakter niya sa pelikula—si Sandy—ay gustong magka-baby sa isang sperm donor with no strings attached.
Okay din ba sa kanya ang idea?
"Dati, naisip ko iyon. Baka kahit walang partner, baka kaya ko? Pero ngayon, mas ano na ako…siguro depende sa partner mo at the moment,” ang sabi ni Sue.
"Makikita mo rin talaga iyon at saka mas mabubukas pa yung isip at puso mo sa possibility na I can still form a beautiful family.
"Pero if not, I think pipiliin mo pa rin yung tao na alam mo na kahit maghiwalay kayo o meron kayong hindi napagkakasunduan, kapag medyo may certainty ka din dun sa person that you want to do it with.”
Read: Wendy Valdez gets emotional as son Seth fears he may not recover