Hiningi ng Cabinet Files ang reaksiyon ni Kris Lawrence tungkol sa rebelasyon ni Alvin Aragon, pero hindi pa sumasagot ang mang-aawit dahil kasalukuyang nasa Amerika siya.
Isiniwalat ni Alvin sa isang video na dati siyang "magnanakaw," at kabilang si Kris sa mga ninakawan niya noon ng cellphone.
Magkasama si Alvin at ang dating karelasyon ni Kris na si Katrina Halili sa Season 1 ng StarStruck, ang reality-based artista search ng GMA-7 noong 2003.
Hindi nagbigay ang preachy actor ng kumpletong detalye tungkol sa ninakaw niyang cellphone ni Kris.
Read: Alvin Aragon criticizes celebrity parents of LGBTQIA+ children
Bahagi ng pahayag ni Alvin sa kumakalat na video: “Marami akong ninakawan.
“Nung napasok ako sa showbiz, dun ako nagnanakaw. Nagnanakaw ako ng cellphone din.
"Si Kris Lawrence, yung singer, ninakawan ko yon ng cellphone sa bahay niya."
Matagal nang nagbagong-buhay si Alvin, pero pinag-uusapan siya ngayon dahil sa kanyang mga kontrobersiyal na pananaw tungkol sa mga isyu tulad ng homosexuality.
Read: StarStruck alum Alvin Aragon draws backlash over anti-gay remark
KRIS LAWRENCE AND KATRINA HALILI GETTING BACK TOGETHER?
Bago pa isinapubliko ni Alvin ang pagnanakaw niya ng cellphone ni Kris, nagkaroon muna ng pagkakataon ang Cabinet Files na tanungin ang mang-aawit tungkol sa mga haka-haka ng publiko na malaki ang posibilidad na magkabalikan sila ni Katrina.
Ito ay dahil sa kanilang madalas na pagkikita, kasama ang nag-iisang anak nilang si Katie.
Madalas din silang magkasama sa content na ina-upload nina Kris at Katrina sa social media.
View this post on Instagram
Sabi ni Kris sa Cabinet Files: “ Hmmm… There’s always a special spark when we’re making memories as a family.
“Katie’s magnetic personality is the real magic.
"As for what the future holds, I guess that’s the magic of life—we’re just enjoying every moment as it comes.
“Sometimes, dreams play out in ways you can’t predict… honestly, just taking it one step at a time. Just authentically enjoying, that’s all.”
Ang magkabalikan sina Kris at Katrina, alang-alang sa kanilang anak na si Katie, ang kahilingan ng mga kinikilig na tagasuporta na walang sawa na sumusubaybay sa mga vlog nila.
Read: Celebrities react to Alvin Aragon’s controversial religious stand