Naging teary-eyed si Dylan Menor matapos mapanood ang special screening ng pinagbibidahan niyang Viva One original series, ang Project Loki.
Magsisimulang mapanood ang Project Loki sa Pebrero 21, 2026, pero nagkaroon muna ito ng special screening sa Cinema 16 ng Gateway 2 Mall, Cubao, Quezon City, nitong Huwebes ng gabi, Pebrero 19.
Ilang minuto bago nag-umpisa ang screening, tinanong ng Cabinet Files si Dylan kung maipapangako ba nitong hindi siya iiyak kapag napanood na niya ang resulta ng kanyang pinaghirapang proyekto.
Sagot niya: “I can’t promise, pero we’re all just gonna enjoy watching the advance screening.”
Read: Bulacan Vice Governor Alex Castro, ayaw patulan si Alvin Aragon
Pero pagkatapos ng screening ay inamin ni Dylan na napaluha siya.
Saad ni Dylan: “I don’t know how to feel. Grabe, I am just so happy and so proud of the whole Project Loki family who created this beautiful series.
“I hope you guys all enjoyed it and appreciate this series, genrea, and everything.
"I am thankful for everyone who went here tonight, salamat sa suporta."
DYLAN MENOR AS LOKI
May sapat na rason para maluha si Dylan dahil pinuri ng mga dumalo sa special screening ng Project Loki ang kanyang mahusay na pagganap.
Nabigyan ng buhay ni Dylan ang suplado at opinionated na karakter ni Loki, at kinilig din ang manonood sa malakas na chemistry nila ng kanyang leading lady na si Jayda Avanzado.
Para sa role ni Loki, pinagamit si Dylan ng gray contact lens na hindi madali para sa kanya dahil hindi siya sanay na may inilalagay sa mga mata niya.
Kuwento niya: “Medyo nahirapan ako sa start, honestly, pero wala, e.
"If you’re really dedicated or you’re really passionate to be more mas malapit… kasi sa book, naka-gray eyes siya.
“It was an option not to wear pero I wanted to try. At first mahirap. Sabi ko, baka hindi ko kaya.
“First time ko mag-contacts and it was for the show. Nakaya naman.
"Nasanay naman ako. Siguro after a week of taping, ten days of taping, medyo nasanay na ako.
"Kaya ko nang ilagay sa sarili ko ang contact lens."
Inamin ni Dylan na ninenerbiyos siya bago nag-umpisa ang screening ng Project Loki.
Sabi niya sa Cabinet Files: “Siyempre po kinakabahan ako.There’s a lot of pressure, honestly.
"Kasi siyempre, my first lead, ang daming expectations from the readers, from the people watching, Viva and Cignal.
"But I am very excited and, like I said earlier, I am confident kasi all of us gave our best.
“Lahat ng crew, lahat ng cast, si Direk Xian Lim, so I’m happy, confident, and sana ma-appreciate ng mga tao ang Project Loki.”
Read: Boots Anson Roa-Rodrigo reveals convo with husband about their funeral plans