Halos hindi nakilala ang contractor na si Sarah Discaya nang dumating ito sa Branch 27 ng Regional Trial Court ng Lapu-Lapu City Cebu dahil sa “matching outfits” at bandana na ginamit nila ng isa sa kanyang mga kapwa akusado.
Ginamit ng dalawa ang identical bandanas para ipantakip sa mukha.
Pero isa sa kanila ang pinaniniwalaang si Discaya dahil sa nakasanayan nitong freedom of expression—ang kanyang obligatory dirty-finger sign para sa mga miyembro ng media.
Read: Sarah Discaya, nag-dirty finger sa harap ng media
“Not guilty” ang pahayag ni Sarah ng St. Timothy Construction Corporation sa arraignment sa kanya ngayong Martes ng umaga, Enero 13, 2026.
"Not guilty" rin ang sagot na inihain sa korte ng walong kasama ni Discaya sa kasong graft at malversation of public funds na nagkakahalaga ng PHP96.5 million dahil sa ibinibintang sa kanilang ghost flood control project sa Barangay Culaman, Jose Abad Santos, Davao Occidental.
Ipinagkaloob sa St. Timothy Construction Corporation ang flood control project sa Davao Occidental noong Enero 22, 2022 at, diumano, natapos noong Oktubre 2, 2022.
Pero ayon sa Ombudsman, hindi naisakatuparan ang proyekto nang bisitahin ito ng mga tauhan ng pamahalaan.
Inakusahan si Discaya ng pakikipagsabwatan sa walong opisyal ng Department of Pubic Works and Highways.
Ito ang naging batayan ng mga kaso ng graft at malversation of public funds na isinampa laban sa kanila.
Read: Sarah Discaya, naging sarkastiko sa media matapos arestuhin
ANOMALOUS FLOOD CONTROL PROJECTS
Mula sa Davao Occidental, inilipat sa Lapu-Lapu City Regional Trial Court ang pagdinig sa kaso ni Discaya at ng mga kapwa akusado nito dahil sa utos ng Supreme Court na dinggin ang mga usapin tungkol sa infrastructure corruption sa pinakamalapit na anti-graft court.
Kabilang si Discaya sa mga unang nakulong na prominent personality na sangkot sa flood control projects scam, at nangyari ito bago sumapit ang Pasko noong Disyembre 2025.
Ang Enero 15, 2026 ang araw na inaabangan ng mga Pilipinong nakatutok sa imbestigasyon sa flood control project anomalies.
Hinihintay nila kung mangyayari ang sinabi ni Senator Imee Marcos na sasampahan ng kaso sa naturang petsa ang mga senador at congressmen na idinadawit sa malawakang korapsyon sa DPWH.
Read: Sarah Discaya inaresto, ililipad sa Cebu para humarap sa korte