Ang Maserati Levante na nagkakahalaga ng halos siyam na milyong piso ang isa sa mga mamahaling sasakyan na pag-aari ng mag-asawang Sarah at Curlee Discaya.
Kabilang ito sa kinumpiska ng Bureau of Customs dahil sa pagkakasangkot ng mag-asawang contractors sa maanomalyang flood control projects ng pamahalaan.
Sa isang panayam kay Sarah, sinabi nitong biglaan lamang ang kanyang pagbili sa Maserati Levante pero hindi niya nagamit.
“Noong lumabas siya [Maserati]. bumili kami. Hindi rin siya nagagamit. Anak ko rin ang gumagamit,” kuwento noon ni Sarah.
Read: All 38 featured vehicles of the Discaya family and their prices
BACKGROUND CHECK ON MASERATI BUYERS
Si Sam Verzosa ang presidente ng Modena Motorsports Inc., ang exclusive distributor ng Maserati cars sa Pilipinas.
Sa pakikipag-usap sa kanya ng Cabinet Files, sinabi nitong hindi siya pamilyar sa mga Discaya.
“Hindi ako familiar [sa kanila] but anyone can buy a Maserati,” reaksiyon ni Sam.
Tinanong ng Cabinet Files si Sam kung may ipinatutupad ba siyang background investigation sa mga bumibili ng Maserati cars.
“Not all the time I am here," sagot niya.
"Sometimes hindi namin nagagawa yung mga background check and most of the time, hindi rin naman namin alam kung legit ka ba or what.
"Hindi na namin naitatanong yan.
“We know a lot of businessmen, some politicians, they buy Maserati and hindi namin basta-bata idina-divulge yung mga yan for their privacy.
“Basta kapag may bumibili, may mga kausap sila na sales people.”
Read: Sam Verzosa, may "resibo" sa bonggang bahay at luxury cars
SAM VERZOSA ON POLITICS AND WEDDING PLANS
Tila wala nang balak kumandidato si Sam sa eleksyon sa Mayo 2028 matapos mabigong mahalal na alkalde ng Maynila noong Mayo 2025.
Saad niya: “Walang plano, ang plano ko, ayusin ang buhay ko, palakihin ang mga negosyo at tumulong sa mas maraming tao. Yun na lang muna.
“Medyo magulo ang pulitika ngayon. Focus tayo sa mga negosyo, saka sa mga bagay na may kabuluhan at makakabago ng buhay ng maraming tao.”
Read: Rhian Ramos umaming umiyak si Sam Verzosa nang matalo sa eleksyon
Tinanong din ng Cabinet Files si Sam tungkol sa wedding plans nila ng kanyang karelasyon na si Rhian Ramos.
”Ay…abangan na lang natin. Abangan na lang natin,” sabi ni Sam.
“Maraming nangyayari at sabi ko nga, kung saan tayo dalhin ng tadhana, kung saan tayo dalhin ng Diyos, kung para sa atin, para sa atin yan.
“Minsan, dinadala ka ng Diyos dito. Akala mo dito ka papunta, pero sa kabila ka pala Niya gustong papuntahin.
“May better plans Siya for you so I believe in the plans of God, and yun lang ang inaantay natin.”