Kumpirmadong si Kathryn Bernardo ang ika-limang Pilipinong mabibigyan ng karangalang magkaroon ng wax figure sa Madame Tussauds Hong Kong.
Noong Lunes, Oktubre 20, 2025, inilabas sa Instagram page ng Madame Tussauds Hong Kong ang teaser video tungkol sa superstar mula sa Pilipinas na ginawan nila ng wax figure.
Clue nila tungkol sa Filipino celebrity: “She starred her acting career at the age of 7. She starred in the first Philippine film to hit 1 billion pesos worldwide!”
Read: Kathryn, magkakaroon ng wax figure sa Madame Tussauds HK?
Si Kathryn ang hula ng karamihan sa teaser video.
Hindi sila nagkamali dahil ngayong Miyerkules, Oktubre 22, inilabas ng Madame Tussauds Hong Kong ang mga larawan ng 29-year-old actress habang sinusukatan para sa kanyang wax figure.
Nakasaad sa announcement nila: “The countdown is over — Madame Tussauds Hong Kong is welcoming Kathryn Bernardo!
"Known as the 'Phenomenal Box-Office Queen,' she starred in the FIRST Filipino film to hit 1B pesos globally.
"Her wax figure drops in 2026.”
Read: Joaquin Arce, Sofia Pablo join PBB Celebrity Collab Edition 2.0
View this post on Instagram
KATHRYN JOINS FAMOUS CELEBRITIES AROUND THE WORLD WHO HAVE A WAX FIGURE
Si Kathryn ang ika-limang Pilipinong magkakaroon ng wax figure sa Madame Tussauds Hong Kong.
Nauna nang nilikha ang mga wax figure nina Miss Universe 2015 Pia Wurtzbach (2019), Pinoy world boxing champion Manny Pacquiao (2021), Miss Universe 2018 Catriona Gray (2023), at actress-TV host Anne Curtis (2024).
Malapit sa puso ni Kathryn ang Hong Kong dahil sa naturang bansa kinunan ang phenomenal box-office hit movie nila ni Alden Richards na Hello, Love, Goodbye (2019).
Sa mga sikat na international celebrity, si Taylor Swift ang huling nagkaroon ng wax figure sa Madame Tussauds Hong Kong.
Ito ang panglabintatlong wax figure niya sa Madame Tussauds.
View this post on Instagram
May 21 wax museums ang Madame Tussauds sa buong mundo.
Malaking karangalan para kay Kathryn ang mabigyan ng wax figure sa Madame Tussauds Hong Kong dahil kahanay na niya sina US President Donald Trump, Marilyn Monroe, Queen Elizabeth II, Michael Jackson, Elon Musk, Vin Diesel, Cristiano Ronaldo, Chris Hemsworth, Jackie Chan, ang Beatles, ang Korean actor na si Hyun Bin, at ang iba pang mga sikat na personalidad mula sa mundo ng pulitika, sports, at entertainment.