Namugto ang mga mata ng singer-actress na si Sheree Bautista dahil sa pag-iyak nang saksihan niya ang pagpapakasal nina Gian Magdangal at Lara Maigue sa Sacred Heart of Jesus Parish, Alabang Hills, Muntinlupa City, noong Miyerkules, Oktubre 8, 2025.
Si Gian ang ama ng 17-year-old son ni Sheree na si Haley.
Hindi man humantong sa kasalan ang kanilang relasyon noon, nanatiling magkaibigan sina Sheree at Gian kaya imbitado ang singer-actress sa pag-iisang dibdib nina Gian at Lara.
Read: Singers Lara Maigue and Gian Magdangal now engaged
Tinanong ng Cabinet Files si Sheree kung ano ang dahilan ng pagluha niya habang ikinakasal sina Gian at Lara.
Sagot niya: “Sobrang happy ako for them, but naisip ko bigla ang self ko.
"May mahahanap pa kaya akong magmamahal sa akin nang totoo or tatanda akong mag-isa?
“Gusto kong maging wife, pero walang dumadating, so give up na ako.”
SHEREE'S MESSAGE FOR GIAN AND LARA
Nang hingin ng Cabinet Files ang mensahe niya para kina Gian at Lara, puro mga papuri ang mga salitang sinabi ni Sheree.
Saad niya: “I’m truly happy that it’s Lara that Gian married — she has been an amazing person from the very start.
"She never made me feel awkward and has always respected the relationship I share with Gian because of our son.
“As the years passed, we became closer, and I grew even more comfortable with her. She never deprived Gian of being a dad to Haley.
“In fact, she even takes care of him when he’s with them. That means so much to me.
"I’m really happy with where we are now — our friendship is genuine.
“Lara is such a genuine person, and both she and Gian have become friends I can truly trust — more like family, really.
“So to Gian and Lara, you both know how much I love and trust you. Thank you for the friendship, and know that I’ll always be here for you!
"Congratulations and best wishes!”
Read: Zoren Legaspi explains why he doesn't meddle in twins Cassy and Mavy’s issues
SHEREE AND GIAN'S SON HALEY
Maligaya si Sheree para sa mga bagong kasal dahil apat na buwan nang buntis si Lara, at magkakaroon na ng kapatid si Haley.
Minana ni Haley ang husay nina Sheree at Gian sa pagkanta kaya hindi malabo ang posibilidad na balang-araw, sundan niya ang yapak ng kanyang mga magulang at pumasok sa entertainment industry.
Sa tuwing magkasama ang mag-ina, madalas ding napagkakamalang boyfriend ni Sheree si Haley.
Sa edad na 17, binatang-binata na ang hitsura ni Haley, samantalang parang hindi naman nagkakaedad ang nanay niya.
Read: Pinky Amador, bibili ng "fake news" sa bakehouse ni Ka Tunying
