Patuloy na nadaragdagan ang mga problema ng mag-asawang contractor na sina Sarah at Curlee Discaya.
Hindi pa tapos ang imbestigasyon sa pagkakasangkot nila sa mga anomalya sa flood control projects ng Department of Public Works and Highways (DPWH), pero may panibago silang kasong kinakaharap.
Ito ay ang tax evasion complaint ng Bureau of Internal Revenue (BIR).
Inihain ng BIR ang mga reklamo laban sa mag-asawang Discaya nitong Miyerkules, Oktubre 8, 2025.
Read: Curlee Discaya claims politicians, 120M Filipinos want them dead
PHP7 BILLION UNPAID TAXES
Kinumpirma ito ni BIR Commissioner Romeo Lumagui Jr. sa pamamagitan ng Facebook post nito.
Isiniwalat ni Lumagui na nagkakahalaga ng pitong bilyong piso (PHP7 billion) ang buwis na hindi binayaran ng Discaya couple.
Inaasahan niyang marami pa ang matutuklasan nilang atraso nina Sarah at Curlee dahil sa ginagawa nilang audit o pagsusuri.
Read: Curlee Discaya, gustong bawiin ang PHP60M mula kay Arjo Atayde
Nakasaad sa post ni Lumagui: “Ngayong araw, naghahain ang BIR ng multiple tax charges laban kina Pacifico 'Curlee' Discaya II, Cezarah Rowena 'Sarah' Cruz Discaya, at isang corporate officer ng St. Gerrard Construction Gen. Contractor & Development Corporation.
“Batay sa imbestigasyon ng BIR, may kabuuang PHP7.1 bilyong tax liabilities ang mag-asawang Discaya, kabilang ang hindi nabayarang individual income taxes, excise taxes ng siyam na luxury vehicles, at documentary stamp taxes.
“Ito pa lamang ang simula. Patuloy ang aming audit sa mga kumpanya ng Discaya, at inaasahan naming mas marami pang tax deficiencies ang mabubunyag at maisasampa sa korte.
“Ang hindi pagbabayad ng buwis ay isang mabigat na paglabag sa batas, at sisiguraduhin naming mapanagot ang mga sangkot.
“Kung may alam kayong contractor na umiilag sa kanilang obligasyon, isumbong sa commissioner@bir.gov.ph"
Humarap sa mga miyembro ng media si Lumagui para ipakita ang mga dokumento ng patung-patong na reklamo na inihain ng kanyang tanggapan laban sa mag-asawang pinararatangang malaki ang ninakaw mula sa kaban ng bayan dahil sa mga substandard flood control at ghost projects nila para sa DPWH.
Related Stories:
- Mayor Vico Sotto calls out broadcasters over Discaya interviews
- Lacson, Magalong bare kickback scheme in anomalous DPWH deals
- Sarah at Curlee Discaya, minumulto ng pagpapakita nila ng yaman
- Claudine Co, binabatikos dahil sa pagbalandra ng lavish lifestyle
- Vico Sotto: Contractors’ kin’s display of wealth not inspiring
- Sarah Discaya, ginisa ng mga senador sa Senate hearing
- Discayas name congressmen who allegedly took cuts from DPWH deals
- Curlee Discaya, gustong bawiin ang PHP60M mula kay Arjo Atayde
- Curlee Discaya claims politicians, 120M Filipinos want them dead
- Maine Mendoza: Arjo Atayde not capable of stealing people's money
- Revilla, Estrada, Villanueva, Co tagged by ex-DPWH official
- Escudero, Revilla, Binay tagged in flood control controversy
- Vice Ganda to corrupt politicians: "P.I. ninyo!"
- Escudero, Villanueva, Estrada, Revilla face prosecution over flood control mess
- Chiz Escudero names Martin Romualdez as flood scam mastermind