Personal na nagsadya ang aktres na si Pinky Amador sa isang branch ng Ka Tunying’s Café na pag-aari ng broadcaster na si Anthony Taberna.
Sa video na ibinahagi ni Pinky sa kanyang Facebook page, nagsalita siya ng “Bibili sana ako ng fake news.”
Caption ng aktres sa kanyang post: “Ingat po tayong lahat sa mga papapakin natin. Maging mapanuri sa mga balita, iwasan ang pagpapakalat ng maling impormasyon.”
May hashtags na #Satire, #LabanSaFakeNews, at #Kurakot ang video post ni Pinky.
Read: DJ Mo bids goodbye to Las Vegas home with Angelicopter
THE ALLEGED FAKE NEWS
Malinaw na direkta itong batikos ng aktres laban kay Taberna, na pinaratangang "fake news peddler" ni Senator Risa Hontiveros.
May kinalaman ang fake news na akusasyon ni Hontiveros sa ibinalita nina Taberna at Gerry Baja sa kanilang radio program sa DZRH, ang Dos Por Dos, noong Oktubre 3, 2025.
Ayon sa kanila, may PHP3 billion budget insertion umano ang senadora sa bicameral conference committee sa kontrobersiyal na panukalang pambansang budget ng 2025, at nakalaan ang PHP750 million para sa flood control projects.
Sa mismong araw ring iyon, Oktubre 3, maagap na itinanggi ni Hontiveros ang impormasyong ibinahagi nina Taberna at Baja.
Facebook post ng senadora: “Wala po akong bicam insertions. Wala sa unprogrammed funds. PERIOD.
“Isa pa, HINDI AKO PUMIRMA sa bicam at bumoto rin ng NO sa kontrobersyal na 2025 budget.
"BABALA: WAG MANIWALA SA FAKE NEWS AT MALING IMPORMASYON.
“Lahat ng iminungkahi kong amyenda sa budget ay dumaan sa tamang proseso at inaprubahan ng Senado!”
Read: Lino Cayetano agrees with brother Alan's call for "clean slate": "We start with ourselves."
KA TUNYING EXPLAINS ALLEGATION
Nasaktan si Taberna sa fake news na bintang ni Hontiveros.
Sa pamamagitan ng kanyang vlog, nagpaliwanag siya para maunawaan ng taumbayan ang pinanggalingan ng balita nila ni Baja tungkol sa diumano’y isyu ng budget insertion ng senadora.
Paliwanag niya sa kanyang vlog: “Nag-umpisa po si Senator Ping Lacson, sabi niya, 'Almost all.'
“Ang sabi po ni Senator JV [Ejercito], ‘Hindi almost all. All!’
“All senators ay meron pong insertion/amendment. Ang tawag po kasi sa amendment, insertion.
"E, para gumanda, amendment.
“Uulit-ulitin ko po ito, ha? Wala pong masama sa amendment o insertion per se. Magkano ba talaga ang insertion ni Senator Risa Hontiveros, ayon mismo sa record ng Senado?
“Ay napindot. Ay lumabas, yan na po mga kababayan,” sabi ni Taberna.
Read: EXPLAINER: What is an amendment? What is an insertion?
Ipinakita pa ng broadcaster ang screenshot ng dokumento na kanyang pinanghahawakan.
“So, yan po ang ilan sa mga insertion o amendment ni Senator Risa Hontiveros, ayon mismo sa record ng Senado.
“Tatanungin muna natin ang opisina ni Senator Risa Hontiveros. Baka kasi hindi alam ni Senator Risa Hontiveros ito, e.
“Itinatanggi po ba ninyo na sa inyo ito? Ayan po ang pahina dos.
“Huwag na kayong magkaila dahil maganda nga yon. Kayo’y may nagagawang proyekto para sa ating mga kababayan.
“Itatanong ko sa staff ni Senator Risa Hontiveros at kay Senator Risa Hontiveros, itinatanggi ninyo po ba ninyo ito na assertion o amendment po ninyo ito? Hindi po ba sa inyo ito mga senador? Kung hindi po sa inyo ito, e, kanino po kaya ito?
“Ang totoo, ang gagandang project po nito, e. Maganda po ito.”
Kasunod ang paglalabas ng kanyang hinaing tungkol kay Hontiveros.
“Kasi siya ang nagsabi na fake news. Hindi naman tayo name-make news [fake news], e.
“Medyo nasaktan kasi ako Senator Risa, yung fake news, e. Hindi ko matanggap yun, e.
“Ang totoo, kayo naman ay naiinterbyu ko dati, ewan ko, baka ayaw ninyo na akong kausapin ngayon, e, ang tagal-tagal na namin kayong kinokontak, e, ayaw ninyo siguro kaming kausapin pero okey lang.”
Read: Bahay sa France, hindi umano pag-aari ng Atayde family
ONLINE BASHING
Ang fake news na bintang ni Hontiveros laban kay Taberna ang naging dahilan para maging biktima ng online bashing ang broadcaster, pati ang kanyang pamilya.
Hindi na napigilan ni Taberna ang bugso ng damdamin sa isang broadcast video niya tungkol sa mga batikos na natatanggap nila ng kanyang pamilya.
Sentimyento niya: “Kinuyog po ng mga Kakampink at iba pang mga supporter ni Senator Risa Hontiveros, ang iba po, e, mga troll dahil sinisilip ko ay ni walang posts. Kabagu-bago mga kaibigan, e, wala.
“Kinukuyog ninyo, pinupuntahan pa ninyo yung social media ng anak kong si Zoey.
"'Tapos pinuntahan ninyo yung social media ng misis ko. 'Tapos pinuntahan ninyo social media ng Outbox Media at ng Ka Tunyings.
“Ano ang gusto ninyong gawin? Kinuyog ninyo, ultimo mga lumang post! Kinuyog ninyo para pagsalitaan ako nang masama at idinadamay pa ninyo yung pamilya ko.
“Pero that’s occupational hazard. Ang sinasabi ko lang, sana bago kayo magsalita nang ganyan, nag-iisip kayo because I expected more from you being learned, being educated, being rich, sabihin na natin, being righteous!
“Sana naman ay mag-usap tayo dito bilang mga maginoo. Bilang mga sibilisadong tao!”
Read: Anthony Taberna, pinatulan ang pasaring ni Pinky Amador
MBC MEDIA STATEMENT
Umaksyon ang MBC Media, ang pamunuan ng DZRH, tungkol sa kontrobersyal na usapin sa pamamagitan ng opisyal na pahayag na inilabas nila.
Nakasaad dito: “MBC Media Group (MBC) acknowledges the concerns raised regarding statements made during the October 3, 2025, episode of Dos Por Dos over DZRH.
"In accordance with our obligation to ensure accuracy and fairness, the MBC Media Group Ombudsman was convened to conduct a comprehensive review of the matter.
"The MMG Ombudsman’s findings are as follows:
"1. The anchors did not state that Senator Risa Hontiveros made insertions during the Bicameral Conference Committee proceedings. Instead, they referenced insertions in the budget itself.
"2. In the same broadcast, and consistent with ethical standards, efforts were made by the program’s anchors to contact Senator Hontiveros to obtain her side or perspective. The invitation for an interview was later reiterated through Senator Hontiveros’ staff. No definite schedule for an interview has yet been agreed upon. We anticipate her availability soonest.
"3. Anchor Anthony Taberna has stated in his vlog that budget insertions are not inherently wrong: they are a legitimate aspect of legislative procedure. Furthermore, he obtained a copy of the relevant budget from a credible source.
"4. Additionally, in an interview on DZRH in the same program earlier today, former Senate President Franklin Drilon clarified that, within legislative terminology, the terms 'insertion' and 'amendment' are often used interchangeably.
"MGM affirms its commitment to responsible broadcasting and reaffirms its dedication to factual and fair reporting and commentary."
Read: Kiko Barzaga recalls surprise date experience: "Hindi ko pala alam na transgender."