Nag-umpisa noong Oktubre 1, 2025, ang shooting nina Rabin Angeles at Angela Muji sa Taal, Batangas, para sa launching movie nila.
Sila ang bida sa Philippine adaptation ng A Werewolf Boy, ang 2012 blockbuster South Korean film ni Song Joong-ki.
Si Crisanto Aquino ang direktor at siya rin ang direktor ng Seducing Drake Palma, ang hit series ng Viva One na pinagbibidahan din nina Rabin at Angela.
Kahit alam na nila ang ugali ng isa’t-isa at sanay na silang makatrabaho si Direk Crisanto, kinabahan pa rin sina Angela at Rabin.
Read: Kiko Barzaga recalls surprise date experience: "Hindi ko pala alam na transgender."
ANGELA MUJI ON THEIR PREPARATIONS FOR A WEREWOLF BOY
"Malaking difference po sa series at sa film. First of all, iba po yung acting sa soap, iba rin po yung acting sa pelikula, mas subtle, mas real, mas dama,” ang panimula ni Angela.
"Pagdating po sa acting workshop, iba na po yung ginagawa namin. Ibang-iba rin yung feel ng production. Hindi same ng na-feel namin sa series."
At makakaasa ang mga fans hindi kopyang-kopya ang original film.
Sabi pa ni Angela: “Since this is an adaptation, we don’t want it to be super copy paste. We want our flair, flavor.
"So, our preparation po is that we’re working on our acting kasi hindi nga po madali at iba pong klase yung ginagawa namin na workshop.
"Sobrang pressured ko po talaga. Ang daming times na iniisip ko I’m not ready, pero I realized no one is actually ready. You just decide.You decide the job and you go.
“Natutunan ko po na okay lang maging matapang para sa pangarap mo,” ang lahad ng 23-year-old budding actress.
Read: Ellis Co, hot topic ulit dahil sa birthday photos ng ina
RABIN ANGELES ON CHALLENGING ROLE
Sumang-ayon si Rabin sa mahabang paliwanag ni Angela tungkol sa malaking pagkakaiba ng taping ng television series at shooting para sa pelikula.
Si Rabin ang gaganap sa title role sa fantasy romance film, kung saan isa siyang feral boy.
Aminado ang 20-year-old hearththrob na challenging ang role.
Aniya, "Sobrang magkaiba ang serye sa pelikula. Mahirap gawin ang serye, pero itong movie na ito, sobrang nahirapan kami.
"Sobrang pinaghandaan namin. Sobrang dami naming pinagdaanan bago kami isalang sa A Werewolf Boy.”