Sa mga host ng It's Showtime, hindi lamang si Ogie Alcasid ang dadalo at makikiisa sa malawakang kilos-protesta na magaganap sa Linggo, Setyembre 21, 2025, dahil kinumpirma na rin ni Anne Curtis ang kanyang partisipasyon dito.
Read: Ogie Alcasid, makikiisa sa mass protest sa September 21
Ang kilos-protesta ay kaugnay sa talamak nang korapsyon na umiiral sa pamahalaan na na-highlight pa lalo dahil sa pagkakabunyag ng mga maanomalyang flood control projects na kinasasangkutan ng buktot na contractors at corrupt na govenment officials at congressmen.
Kabilang si Anne sa listahan ng mga entertainment personality na Top Taxpayer dahil milyun-milyong piso ang binabayaran niya sa buwis.
Noong Marso 4, 2025, tumanggap si Anne ng Plaque of Appreciation mula sa Bureau of Internal Revenue (BIR) dahil isa nga siya sa Top Taxpaying Media Personality.
Read: Anne, Nadine, Bianca slam blatant corruption in government
Ngayong Sabado, Setyembre 20, ibinahagi ni Anne sa Instagram ang plake ng pagkilala na ipinagkaloob sa kanya ng BIR, kasunod ang kumpirmasyon ng kanyang pagdalo sa idaraos na kilos-protesta.
“Finally received this award, since I wasn’t able to attend the ceremony earlier this year due to my crazy sched.
“Thank you po for recognizing my sincere effort to make sure I pay my taxes correctly and on time.
“Bilang mga taxpayers, it allow us to ask an important question: Saan ba talaga napupunta yung taxes natin lahat?
“We all work hard. Some spend late nights away from their families, endure long commutes, and sadly, many still suffer the consequences of flooding and other hardships.
“I DO BELIEVE in paying taxes—when they’re used for the growth of our nation, the betterment of our communities, and most importantly, in support of our fellow Filipinos who need the extra hand. Especially for the youth and children who don’t have access to proper nutrition and education.
“It’s time we use our voices to END CORRUPTION in our country para sa mga anak natin at para sa future generation of Filipinos. See you tomorrow! Para sa 'yo, Mahal naming Pilipinas,” ang kabuuan ng mensahe ni Anne.
View this post on Instagram
May karapatan ang aktres at TV host na maghimagsik laban sa mga walang konsiyensya na opisyal ng gobyerno at mga contractor na sangkot sa flood control at infrastructure project scams dahil sa malaking halaga ng buwis na kanyang binabayaran taun-taon.