Natapilok umano si Ako Bicol party-list Representative Alfredo Garbin Jr. kaya nakapagmura siya bago nag-umpisa ang live phone patch interview sa kanya ni Cheryl Cosim para sa One Balita Pilipinas noong Lunes, Setyembre 8, 2025.
Narinig at napanood sa telebisyon ang malutong na pagmumura ni Garbin.
Ngunit taliwas sa pahayag niyang "right after my live interview" siya nagmura, hindi pa nag-uumpisa ang panayam sa kanya ni Cheryl nang marinig ang kanyang mura.
Read: Congressman Alfredo Garbin Jr., narinig ang pagmumura sa ere
ALFREDO GARBIN JR.:" TAO LANG PO"
Sa pamamagitan ng Facebook, inihingi ng paumanhin ng kongresista ang pangyayari ilang oras matapos mag-viral ang video ng panayam sa kanya.
Buong post niya: “PASYENSYA NA TAO LANG PO! I sincerely apologize for the curse word that was caught right after my live interview on One Balita.
“At that time, I was walking while doing the interview. As I hung up, I tripped and almost dropped my phone.
"The stumble startled me, and in that unguarded moment, I blurted out a curse word—something I usually say in private and never intended for the public to hear.
“I understand that as a public servant, I must always be mindful of my words, even in unexpected situations. Moving forward, I will take greater care to avoid similar incidents.
“Once again, I apologize to the viewers and to anyone who may have been offended.”
Tungkol sa "heart ailment" ni Ako Bicol party-list Representative Rizaldy Co at sa pagkakasangkot nito sa eskandalo ng flood control projects ang pakay ng pakikipag-ugnayan ni Cosim kay Garbin.
“Eh, putang-ina!” pagmumura ni Garbin na narinig at napanood sa telebisyon nang ipakilala ni Cheryl ang kongresistang kasamahan ni Co sa Ako Bicol party-list.
Hindi nakitaan si Cosim ng pagkagulat sa hindi inaasahang pagmumura ni Garbin pero nagpaalaala siya ng “Cong… Cong. you’re on the air.”
Read: Congressmen Arjo Atayde, PM Vargas, Roman Romulo deny Discaya allegations