Opisyal na mag-uumpisa ang Philippine Film Industry Month (PFIM) sa pamamagitan ng opening ceremony na magaganap sa Red Carpet Cinema ng Shangri-La Plaza Mall sa Mandaluyong City, ngayong Lunes, Setyembre 1, 2025.
Imbitado sa pagtitipon ang mga kinatawan ng Film Development Council of the Philippines’ (FDCP) Board of Trustees, Movie and Television Review and Classification Board (MTRCB), Movie Workers Welfare Foundation, Inc. (MOWELFUND), Filipino Screenwriters Guild, AKTOR, Lupon ng Pilipinong Sinematograpiyo, Directors Guild of the Philippines, Inc. (DGPI), Entertainment Producers of the Philippines, Cinema Exhibitors Association of the Philippines (CEAP), Society of Philippine Archivists for Film, Cultural Center of the Philippines (CCP), at Cinemalaya.
Si FDCP Chairman at CEO Jose Javier Reyes ang magbibigay ng pambungad na pananalita para sa PFIM na may temang "Pelikula at Pilipina."
Read: Is Kathryn Bernardo moving to this luxe abode in Makati City?
IKAW AY AKIN SCREENING
Kasunod nito ang pagpapalabas ng Ikaw Ay Akin, ang pelikulang nagbukas sa mga sinehan noong Disyembre 8, 1978.
Mula ito sa direksiyon ni National Artist for Film and Broadcast Arts Ishmael Bernal (Setyembre 30, 1938 - Hunyo 2, 1996).
Ang Star for All Seasons at Batangas governor na si Vilma Santos at ang National Artist for Film and Broadcast Arts at Superstar na si Nora Aunor ang mga bida sa Ikaw Ay Akin.
Naging popular ang pelikula dahil sa mata sa matang eksena at mahusay na pagganap nina Nora at Vilma.
Ang Juanflix Booth Activations, Sine Kabataan Film Festival, FDCP x Netflix Master Classes, Pelikula ng Bayan Caravan, Pelikula at Pilipina Tribute Screenings, AudioVisual Archiving Seminar-Workshop, Film Industry Conference, Launch of the First Philippine Film Industry Roadmap, at Launch of the New Juanflix: The FDCP Channel Mobile App ang ilan sa mga napakaraming programa at activities na pagkakaabalahan ng FDCP mula Setyembre 1 hanggang Setyembre 27, 2025.
Nagbigay-pugay si FDCP Chair Joey Reyes sa kanyang masisipag na staff.
“I have a very efficient team. Bow ako sa team ko, kanya-kanyang delegations sila,” sabi ni Reyes.
Dagdag niya, "It’s part of the job and, yeah, wala na akong personal life.”
Nang tanungin tungkol sa love life, “Ano yon?” pabirong sagot ni Reyes, na nagagawan ng paraan na hatiin ang kanyang oras para mapuntahan ang lahat ng PFIM activities.
Read: Neil Arce defends Gela Alonte amid online hate on "nepo babies"