Inaabangan ang pagpasok sa showbiz ni Hugo Sotto, o may buong pangalang Vicente Sotto IV, dahil taglay niya ang mga katangian ng isang matinee idol.
Si Hugo ang 20-year-old at 6-footer na panganay na anak ni Quezon City Vice-Mayor Gian Carlo Sotto at ng misis nito na si Joy Woolbright Sotto.
Nag-aaral si Hugo sa Ateneo de Manila University at isang varsity player.
Walang puwedeng kumuwestiyon sa pedigree ni Hugo dahil apo siya nina '60s superstar Helen Gamboa at Senator Tito Sotto na pawang mga talented actor at television host.
Apo rin si Hugo ng popular comedian at television host na si Vic Sotto at pamangkin ng Megastar na si Sharon Cuneta.
Read: Jake Ejercito, Jessy Mendiola, netizens not amused by DILG post
HUGO SOTTO'S PROUD PARENTS
"Anak ko yan!" ang may pagmamalaking reaksyon ni Mayor Gian Sotto nang ibahagi ni Senator Tito sa social media ang larawan ni Hugo na umani ng mga papuri.
"My mama heart couldn’t resist-sorry Hugo. Had to share and repost these! Where did time go," ang Instagram post ng nanay ni Hugo na si Joy.
"Aawatin ko ba ito?" ang caption naman ni Senator Tito sa ibinahagi nitong litrato ng kanyang apo na kuha ng ace photographer na si Jun de Leon.
Read: Donny Pangilinan gives a tour of newly renovated condo
SI SHIRLEY KUAN ANG POSIBLENG MANAGER?
Naka-tag ang pangalan ng talent manager ni Shirley Kuan sa mga social media post tungkol kay Hugo.
Dahil dito, pinaniniwalaang siya ang mamamahala sa showbiz career ng potential heartthrob kapag nagdesisyon itong sundan ang yapak sa entertainment industry ng kanyang mga kamag-anak.
Si Shirley ang manager ni Helen kaya inaasahang siya rin ang magpapalakad sa showbiz career ni Hugo.
Panahon ngayon sa showbiz ng matatangkad na aktor na mula sa pamilya ng mga de-kalibreng artista; at si Hugo ang karagdagan sa listahan nina Donny Pangilinan, Andres Muhlach, at Robbie Jaworski, kung sakaling matuloy ang pagpasok niya sa entertainment industry.