Binasag ng nagpakilalang Nena Tantoco, ina ng pumanaw na negosyanteng si Paolo Tantoco, ang kanyang katahimikan kaugnay ng mga lumalabas na espekulasyon tungkol sa pagkamatay ng anak.
Pumanaw si Paolo sa Beverly Hilton Hotel, Beverly Hills, California, noong Marso 8, 2025.
Siya ay 44.
Si Paolo ang administrator ng pag-aaring department store chain ng kanilang pamilya, ang Rustan's.
Read: Sleeping Prince ng Saudi Arabia, pumanaw na matapos ma-coma sa loob ng 20 taon
Sari-saring mga haka-haka at ilang personalidad ang isinasangkot sa kontrobersiyal na usapin sa pagkamatay ni Paolo.
Nadawit sa usapin si First Lady Liza Marcos at iba pang personalidad dahil kasama nila si Paolo na dumalo sa 2nd Manila International Film Festival (MIFF) na ginanap sa Los Angeles, California, mula Marso 4 hanggang Marso 7.
Kasama sa entourage ng First Lady ang asawa ni Paolo na si Dina Tantoco, bilang deputy social secretary ng Malacañang.
Kaugnay nito, nais ng presidential sister at ng senador na si Imee Marcos na maglabas ang Malacañang ng detalyadong ulat tungkol sa pagpanaw ni Paolo.
Si Imee ay kaalyado ngayon ni Vice-President Sara Duterte, na may alitan kay Pangulong Marcos.
Naging kontrobersiyal at muling pinag-usapan ang isyu nang ilabas ng Los Angeles County Coroner’s Office, noong Hulyo 9, ang opisyal na resulta ng kanilang findings tungkol sa sanhi ng pagkamatay ni Tantoco.
Ayon sa kanilang report, ang pangunahing dahilan ng pagkamatay ni Tantoco ay "cocaine effects."
Nakasaad din dito ang "probable atherosclerotic cardiovascular disease" na maaaring magdulot ng heart attack.
Dahil public document ang coroner's report, maaaring humingi ng kopya nito sa pamamagitan ng pagbabayad ng halagang USD32.
Noong July 12 (U.S. time), humingi ang Cabinet Files ng kopya ng coroner's report tungkol sa pagpanaw ni Paolo Tantoco.
Ngunit habang isinusulat ang artikulong ito ay hindi pa namin natatanggap ang kopya ng dokumento.
Read: Manny Pacquiao's ring comeback against Mario Barrios ends in draw
NENA TANTOCO SAYS LIZA MARCOS HAS NO ROLE IN PAOLO'S DEATH
Sa pamamagitan ng Facebook ay nagpadala ng mensahe si "Nena Tantoco" kay Senator Imee Marcos at sa news site na Bilyonaryo upang linawin ang mga kumakalat na espekulasyon tungkol sa pagdadawit ng pangalan ni First Lady Liza Marcos sa pagpanaw ni Paolo.
Pagpapakilala ni Nena sa sarili, published as is, “Good evening, bilyonaryo and ms imee.. am nena vargas tantoco. mother of the deceased, paolo v tantoco.."
Idiniin ng sinasabing Nena na walang kinalaman ang Unang Ginang sa pagkamatay ni Paolo.
Inalmahan din niya ang mga ulat na nagsasabing "overdose" ang ikinamatay ng kanyang anak.
Saad ng nagpakilalang Nena (published as is): "our son died last march 9 (mla time) in LA, california... in the presence of his wife dina who is the social secretary of the first lady ms liza marcos.. he died in the hotel room were he nd his wife was staying.. he joined his wife in the trip to be with her.
“The first lady was not involved in any way with our son's death.. the partial autopsy report is open for you to see.. no wer did it say our son died of overdose..it had cocaine effect. accident nd heart disease."
Read: Young swimming coach, nag-viral sa social media dahil sa kaguwapuhan
Labis daw ikinalulungkot ni Nena ang paggamit sa alaala ng kanyang pumanaw na anak sa isyung politikal at upang sirain ang pangalan ng kanilang family business.
Pagpapatuloy sa sinasabing post ni Ginang Tantoco: “Its hard enough to lose a love one, specially a son who as far as we knw did a lot of good, loves the poor, always caring nd loving to his parents nd his wife nd children.. was kind nd compassion nd hard working.
“It saddens me to see the news that reports to malign also the name of my husbands family business called RUSTANs.. its so visible to make news that is exciting nd juicy to read... to be a politized move to create more conflict in the warring factions of our govt leaders.
“It saddens me that our son Paowee is being used to aggravate this conflict.. he did have cocaine in his body as the autopsy says.. but it was not an overdose... the complete autopsy report will come.. nd it will a publicly known.. yes our son used cocaine.. nd it did not come frm the first lady.. nor was she involved.. its unfortunate nd that this happened to our son.
“We love him very much for all the goodness he has done.. to magnify the story with half truths is not who i am as person.. i do accept that report.. no wer did it say he died of overdose.
“It made me shed tears.. not just for myself but also for wife nd his children we you are hurting so much.. I pray that you will be enlightened nd spread life giving news.. instead of dividing.. God bless us all.. peace love light.”
Ibinahagi ng malapit na kaibigan ng mga Tantoco na si Fr. Tito Caluag ang screenshot ng pahayag ni "Nena Tantoco" sa Instagram:
Kinumpirma naman sa Cabinet Files ng isang konektado sa Bilyonaryo na lehitimong mula sa Facebook account ni Nena Tantoco ang mensaheng ipinadala nito sa kanilang news site.
Read: CEO na nahuli-cam sa concert ng Coldplay, nag-resign sa trabaho
PALACE’S STATEMENT
Base sa ulat ng ABS-CBN News Online noong July 15, una nang naglabas ng pahayag ang Malacañang tungkol sa nag-viral na “fake” coroner’s report kaugnay ng pagpanaw ni Paolo Tantoco.
Sa pekeng coroner’s report, may idinagdag na mga salita tungkol sa pagpanaw ni Tantoco at sa companions diumano noong oras ng kanyang pagpanaw.
Nagbabala si Palace Press Officer Claire Castro na maging mapagmatyag sa pagkalat ng pekeng coroner’s report.
Idiniin din ni Castro na hindi nanatili si First Lady Liza Marcos sa hotel kung saan natagpuan si Tantoco noong March 8.
“Iba po ang kanyang hotel. At meron siyang mga activities March 8,” tukoy ni Castro sa Unang Ginang.
Nakunan pa raw ng litrato si First Lady sa isang concert noong hapon hanggang gabi noong araw na iyon.
“Huwag po kasi tayong masyadong maniwala sa drama, sa gimik, sa gawa-gawang kuwento.
“Siguro din tayo po bilang miyembro ng media, kaya din po natin alamin kung ano ang katotohanan dito.”