Sina Kim Kardashian, Kylie Jenner, Charo Santos, at Alfred Vargas ang ilan sa foreign at local celebrities na may TikTok lip-sync video ng "Pretty Little Baby," ang 63-year-old song ng veteran American singer na si Connie Francis.
@charosantosofficial Pretty little baby, I’m so in love with you. ????? Celebrating 50 years in showbiz with a heart full of gratitude and a Metro Exclusive that’s out now! Thank you for growing with me through every chapter. Here’s to more magic. ???? #CharoSantos #50YearsOfLove #MetroExclusive ? Pretty Little Baby - Connie Francis
Viral ngayon at isa nang TikTok hit ang "Pretty Little Baby."
Pero aminado si Connie na hindi na nito matandaan ang kanyang lumang kanta na tumatamasa ngayon ng panibagong tagumpay, makalipas ang mahigit anim na dekada.
Pahayag ni Connie sa isang panayam: “To tell you the truth, I didn’t even remember the song! I had to listen to it to remember.
"To think that a song I recorded 63 years ago is touching the hearts of millions of people is truly awesome. It is an amazing feeling."
Read: Connie Francis performs at Araneta Coliseum on Valentine’s Day
CONNIE FRANCIS CONCERT IN THE PHILIPPINES
Kapani-paniwala ang pahayag ng 87-year-old sinage dahil nang panoorin ng Cabinet Files ang kanyang Valentine concert sa Araneta Coliseum noong 2008, nakalimutan niya ang lyrics ng ilan sa kanyang mga awitin.
Seventy years old na si Connie nang magtanghal siya sa Pilipinas noong 2008, pero nagawa pa niyang umawit ng dalawampu’t pitong (27) kanta.
Sa isang bahagi ng kanyang pag-awit, biglang tumigil si Connie dahil nalimutan nito ang lyrics kaya nagpalit agad siya ng kanta.
Hindi nag-abala si Connie na humingi ng paumanhin.
Sa huling awit niya, paulit-ulit na sumigaw ng “More!” ang Filipino audience pero hindi sila pinagbigyan ng veteran singer.
“I’m already tired!” pag-amin ni Connie dahil masakit na umano ang kanyang lalamunan.
Natawa na lamang ang mga nanood ng concert sa inasal ni Connie, na basta na lamang tumalikod at naglakad pabalik sa backstage.
Brutally frank din si Connie dahil nanggaling sa kanya ang impormasyonng marami sa mga kanta niya ang sikat lamang sa Pilipinas.
Ang bituin ni Connie sa Star Walk sa loob ng Araneta Coliseum ang patunay ng pagtatanghal niya sa Big Dome.
Kahanay ng bituin ni Connie ang mga bituin ng mga kapwa niya international performers na sina Neil Sedaka, Paul Anka, Michael Buble, at Cliff Richard.
Sa kanyang Facebook post noong Mayo 23, ipinarating ni Connie ang pasasalamat sa lahat dahil sa global success ng kantang nakalimutan na niya.
Saad niya: “I continue to be overwhelmed and amazed at all the statistics being issued on a daily basis!
“My thanks to all who contributed in making 'Pretty Little Baby' the success it has now become, and special mention to the huge number of TikTokers who created the videos that led to the statistics outlined on this post.
"Thank you everyone!"
Read: Bakit kinanta ang "My Way" sa Paris Olympics closing ceremony?