“It depends on the day.”
Ito ang pabirong sagot ni Nick Lachey nang tanungin kung gaano siya kasuwerte dahil Pilipina ang kanyang asawa — ang Filipino-American actress, model, at TV host na si Vanessa Minnillo.
Read: 98 Degrees, may special connection sa Pilipinas
“Answer carefully, he’s already in trouble!” natatawang reaksiyon naman ni Drew Lachey, ang kapatid ni Nick na kapwa niya miyembro ng 98 Degrees, ang American boy band na sumikat sa buong mundo noong dekada ’90.
Pero seryosong sabi ni Nick tungkol kay Vanessa: “She is a wonderful, wonderful woman and I am very, very blessed.
“I had no idea when I visited the Philippines that, at least one day, my wife would be a Filipina. But it’s been an amazing, amazing ride together.”
Pilipina ang ina ni Vanessa na si Helen Bercero, at Amerikano ang kanyang amang si Vincent Charles Minnillo.
Ipinanganak si Vanessa sa isang ospital sa Clark Air Base, Angeles City, Pampanga, noong Nobyembre 9, 1980.
Bago naging aktres at TV host si Vanessa, nanalo muna siyang Miss Teen USA noong 1998.
Ayon pa kay Nick, may plano siyang bumalik sa Pilipinas kasama si Vanessa at ang kanilang tatlong anak.
Mula nang manirahan sila sa Amerika, hindi na nakabalik sa Pilipinas si Vanessa kaya gusto ni Nick na bumisita sila sa bayan na sinilangan ng kanyang asawa.
“She’s actually never been back. She was born here but never been back in many, many years.
"So, that’s my next goal, to get her and my kids over here so they could see a part of their heritage.
"And that would be a special trip.”
View this post on Instagram
98 DEGREES' PHILIPPINE CONNECTION
Nang sabihin ni Nick na isinilang si Vanessa sa Pilipinas, binanggit naman ng kanyang kamiyembro na si Jeff Timmons na sa Pilipinas din isinilang ang kanyang nakatatandang kapatid na si Dan, noong Hulyo 20, 1969.
Naririto sa Pilipinas ang mga miyembro ng 98 Degrees na sina Nick, Drew, Jeff, at Justin Jeffre para sa kanilang dalawang gabing pagtatanghal, sa Mayo 30 at 31, 2025, sa SM Mall of Asia Arena, Pasay City.
Dumating ang 98 Degrees sa bansa noong Huwebes, Mayo 22.
Ginanap ang kanilang press conference sa Solaire Resort & Casino ngayong Biyernes, Mayo 23.
View this post on Instagram
Unang bumisita ang 98 Degrees sa Pilipinas noong Nobyembre 1999, para sa kanilang Heat It Up concert sa University of the Philippines Theater.
Read: Katrina Velarde, nakipag-collab sa 98 Degrees para sa "I Do"