Hindi natapos sa pagtulong sa pangangampanya ang suporta ni Rhian Ramos kay Sam Verzosa dahil sumama rin siya sa pagboto ng kanyang kasintahang kandidato bilang alkalde ng lungsod ng Maynila.
Hindi basta kasama ni Sam si Rhian sa Legarda Elementary School ngayong Lunes, Mayo 12, 2025, dahil bumoto rin ang aktres sa poll precinct na pinuntahan nila.
Ito ang kumpirmasyong residente na ng Maynila ang Kapuso actress.
Walang nababanggit si Rhian na registered voter na rin siya ng Maynila kaya marami ang nagulat sa kanyang pagboto sa naturang siyudad.
Matibay na ebidensiya rin ang mga larawan ni Rhian habang bumoboto, patunay na ginagawa niya ang lahat dahil sa kanyang pagmamahal kay Sam.
Read: Rhian Ramos recalls how she almost gave up showbiz in the past
SAM VERZOSA LEAVES EVERYTHING IN GOD'S HANDS
Sa panayam naman kay Sam, sinabi nitong masayang-masaya siya dahil nakasama niya ang mga mahal sa buhay, kabilang ang kanyang ina na si Mrs. Niña Verzosa na bumoto rin sa nabanggit na poll precinct.
“Masayang-masaya ako at naibigay ko lahat. Masaya ako dahil nakasama ko ang pamilya ko, ang mga mahal ko sa buhay, mga supporters natin,” saad ni Sam.
Ipinauubaya raw ni Sam sa Panginoong Diyos ang kanyang kapalaran.
“It’s up to God. Sabi ko nga, it’s all up to my destiny, our destiny, kung ano talaga yung plano Niya para sa akin at plano Niya para sa buong Maynila.
“Basta ako, masaya ako dahil naibigay ko lahat, naipakita ko yung sarili ko, yung buong puso ko para sa Manilenyo.
“Nakita ko yung pagmamahal nila sa akin. Sabi ko nga, lahat ng pagmamahal nila, suporta nila, kung mabigyan ako ng opportunity, maibabalik ko sa kanila yun ng ten folds.
"Mas marami, mas matindi at, sana, madala ko pa yung pagbabago dito sa Maynila.”
Read: Sam Verzosa, nag-react sa surveys sa mayoral race sa Maynila