Ang power couple na sina Dra. Vicki Belo at Dr. Hayden Kho, Jr. ng Belo NEXA ang kabilang sa mga imbitado at dumalo sa Brighter Together: The ABS-CBN Ball 2025 na ginanap noong Biyernes, Abril 4, 2025, sa Solaire Resort North, Quezon City.
Si Hayden ang isa sa mga stand-out at best-dressed sa taunang ABS-CBN Ball at ibinahagi niya sa kanyang social media post ang kanyang kasuotan.
“For the past three years, Bottega Veneta has been one of my go-to brands. Matthieu Blazy’s timeless yet playful style has resonated with me on every level.
"So for this year’s ABS-CBN Ball 2025, I wore a look from his final collection for BV before he moves on to Chanel. A tribute to the end of an era and the beginning of another.”
View this post on Instagram
Tumanggap ng mga papuri at paghanga si Hayden dahil sa kanyang husay sa pananamit, na hindi nakapagtataka, bilang modelo siya noon habang nag-aaral ng medisina sa University of Santo Tomas.
Hindi lamang ang pagdalo nina Hayden at Vicki sa ABS-CBN Ball ang umagaw ng pansin dahil napukaw rin ang atensyon ng lahat sa Bottega Veneta leather crochet sunflower na hawak ni Hayden at kumumpleto sa kanyang kasuotan.
Nagkakahalaga ng US$8,800 o P504,986.45 sa Philippine currency ang leather sunflower na ginamit ni Hayden sa ABS-CBN Ball at makikita ito sa official website ng Bottega Veneta.
Ang hand-woven sunflower at paper calf leather wrapping na may coaxial cord detail na gawa sa calfskin at lambskin ang isa sa mga huling nilikha ni Matthieu Blazy para sa Bottega Veneta bago siya lumipat sa Chanel.
Si Blazy ang French-Belgian designer na nagsilbi bilang creative director ng Bottega Veneta mula 2021 hanggang 2024 at sa kasalukuyan, siya ang creative director ng Chanel.
Ang leather sunflower bouquet ang isa sa mga koleksyon ni Blazy para sa Spring/Summer 2025 ng Bottega Veneta at napansin ng mga Pilipino dahil sa pagdalo nina Hayden at Vicki sa ABS-CBN Ball.