Pagkakalooban ng posthumous Monty Manibog Manila International Film Festival (MIFF) Lifetime Achievement Award ang yumaong Regal Entertainment, Inc. founder and producer na si Mother Lily Monteverde.
Gaganapin ang tribute dinner sa iconic Beverly Hotel, Los Angeles, California, sa Marso 7, 2025.
Si Mother Lily ang gagawaran ng Monty Manibog MIFF Lifetime Achievement Award dahil sa kanyang mga iniwang pamana sa industriya ng pelikulang Pilipino.
Pumanaw si Mother Lily noong Agosto 4,2024.
Read: Konsyerto Para Sa Filipino, ready na; MIFF, handa na rin ba?
Ipinaliwanag ni Liza Lew, executive producer at co-founder ng MIFF, ang kanilang desisyong igawad kay Mother Lily ang nasabing parangal.
Saad niya: “Mother Lily has left a legacy and impact with every heart that beats across the more than 7,000 islands of the Philippines, the success of Regal Films serves as a powerful source of inspiration for filmmakers and talent from Manila and abroad, who are eager to reach a broader more international audience.
"Together, we hope to build a bridge between our two worlds."
Bumiyahe sa USA ang anak ni Mother Lily na si Regal Entertainment CEO Roselle Monteverde para personal na tanggapin ang karangalang ibibigay sa kanyang ina.
Read: Mother Lily Monteverde: A lookback at the Regal matriarch's legacy
Sinabi ni Lew kay Roselle: “Your mother, Mother Lily Monteverde, was a most inspiring and powerful voice in our world with a unique gift of uniting our two worlds.”
Si Lew ang beauty queen na si Liza Manibog, na nagwaging Bb. Pilipinas- International title noong 1982.
Ipinangalan ang MIFF Lifetime Achievement sa ama niyang si Monty Manibog, ang first Filipino- American na nahalal na opisyal sa Southern California, unang Fil-Am mayor sa continental United States, humanitarian, abogado at Olympian.
Read: Former Bb. Pilipinas titleholders, muling nasilayan ng publiko
MY FUTURE YOU SCREENING AT TCL CHINESE THEATRE
Bukod sa parangal kay Mother Lily, ipalalabas din sa TCL Chinese Theatre sa Marso 6, ang My Future You, ang official entry ng Regal sa 50th Metro Manila Film Festival noong Disyembre 2025.
Ang My Future You ang isa sa mga proyektong binigyan ng green light ni Mother Lily bago ito binawian ng buhay noong nakaraang taon.
Kasama ni Roselle na lumipad sa USA ang kanyang kapatid, ang Reality MM Studios producer na si Dondon Monteverde, at ang My Future You stars na sina Seth Fedelin at Francine Diaz.
Ang My Future You ang nagwaging 3rd Best Picture, Best Director (Crisanto B. Aquino), Best Editing, at Breakthrough Artist (Seth Fedelin) sa Gabi ng Parangal ng 50th Metro Manila Film Festival noong Disyembre 27, 2024.
Read: REVIEW: My Future You, an emotional rollercoaster worth watching