Tatlong pangyayari sa buhay ng singer-comedienne na si K Brosas kamakailan ang itinuturing niyang biyaya mula sa Panginoong Diyos.
Una, ang pagbabalik ng Sing Galing!, ang videoke game show ng TV5.
Pangalawa, ang pagwawagi sa kasong isinampa niya noong Setyembre 2021 laban sa dating contractor ng kanyang bahay.
Pangatlo, ang acting award na napanalunan niya.
Read: K Brosas wins court case against house contractor
TRIPLE BLESSINGS
Inisa-isa ni K ang mga biyayang natanggap niya ngayong 2025 sa media videoke-con ng Sing Galing!.
Ginanap ang event sa KTV bar sa Greenhills, San Juan, na pag-aari nina Anne Curtis at Karylle Tatlonghari-Yuzon, nitong Lunes ng hapon, Pebrero 17.
Simula sa Marso 1, 2025, mapapanood ang unang kabanata ng third season ng Sing Galing!.
Nagpapasalamat si K dahil sila pa rin ni Randy Santiago ang mga host ng top-rating program ng TV5.
Read: Sing Galing! at Marimar, magbabalik sa TV5
Pakantang sinabi ni K na “Ako ang nagwagi…” nang magsalita siya tungkol sa tagumpay niya sa demandang inihain laban sa kanyang dating house contractor.
Inireklamo ni K noong 2021 ang pagkakagamit ng contractor ng tinatayang pitong milyong pisong nakalaan sa bahay na ni hindi nito tinapos.
Saad ni K tungkol sa malungkot na karanasan na napagdaanan at nalagpasan niya: “Naniniwala ako talaga minsan tine-test ka ni Lord.
"Pag sobrang dami ng pagsubok na ibinibigay sa yo, tulad ng nangyari sa akin.
"Hindi naman biro yung ilang taon saka ilang milyon. Pinagtrabahuan ko yon.
“During that time, tumatakbo ako sa Sing Galing! habang tumatakbo rin yung kaso ko.
"So, sabi ni Lord, ‘Sige na. Hindi na kita bibigyan ng stress. Ito na ang panahon mo para magwagi.'
"So, babalik ako sa Sing Galing!, blessings na yon.
"Kapapanalo ko sa kaso, 'Bibigyan kita ng award.'
"Kaya naman thank you, Lord, talaga. Yun lang ang masasabi ko, thank you."
Read: K Brosas, pursigidong ituloy ang kaso laban sa contractor na nanloko sa kanya
View this post on Instagram
TV ACTRESS OF THE YEAR
Samantala, hindi pa rin makapaniwala si K na siya ang pararangalang TV Actress of the Year sa 10th Platinum Stallion Media Awards ng Trinity University of Asia.
Ito ay para sa kanyang pagganap sa drama series ng TV5 na Ang Himala ni Niño.
Ang Platinum Stallion Media Awards ay annual awards ceremony na nagbibigay-pugay sa outstanding individuals at programs na limukha ng makabuluhang ingay sa media at entertainment.
The annual awards ceremony, organized by Trinity University of Asia, honors outstanding individuals and programs that have made a significant impact in media and entertainment.
Ang media awards ng Trinity University of Asia, isang private school sa Cathedral Heights, Quezon City, ay nagsimula noong 2015.
Lahad ni K: “Akala ko prank. Hanggang ngayon, akala ko prank.
"Mamaya ko po siya tatanggapin, kung ayaw ninyong maniwala.
“Gusto kong magpasalamat sa Trinity University of Asia.
"Akala ko talaga prank, walang etchos. Biro mo, TV Actress of the Year?
“Gusto kong magpasalamat sa Ang Himala ni Niño dahil malaking bagay."
Biro pa niya: “Gusto ko sanang kuwestyunin, yung parang, 'Bakit ako ang napili? Bakit ako ang ibinoto nila?'
“Pero hindi ko na kukuwestyunin. Tatanggapin ko na lang yung blessing.
"Sasabihin ko na lang po na ‘I think I did something good’ para mapansin nila. At siguro, tao rin, gusto nila family-oriented na teleserye.
“Siguro gusto nila medyo light dramedy for a change.
"Maraming salamat sa lahat ng bumubuo ng Platinum Stallion Media Awards."
Read: K Brosas has advice to younger people: "Wag atat. Mag-ipon."