Official candidate sa 6th Miss Universe Philippines ang Filipino-Australian beauty queen na si Chanel Olive Thomas.
Beterana na siya sa pagsali sa mga beauty pageant dahil first runner-up siya noong May 2015 sa 15th Miss Philippines Earth, na ginanap sa Mall of Asia Arena, Pasay City.
Makalipas ang dalawang taon, sinubukan ni Thomas ang kapalaran niya sa 54th Bb. Pilipinas, na idinaos noong April 2017, sa Smart Araneta Coliseum.
Dalawampu’t anim (26) ang edad ni Thomas nang maging kinatawan ito ng Nueva Ecija sa 54th Bb.Pilipinas, at hindi siya nabigo dahil napanalunan niya ang Bb.Pilipinas-Supranational title.
Top 10 candidate si Thomas nang ipadala siya ng Pilipinas sa 9th Miss Supranational na nangyari sa Poland noong Disyembre 2017.
Read: Chanel Olive Thomas finishes Top 10 in Miss Supranational 2017
CHANEL OLIVE THOMAS JOINS MISS UNIVERSE PHILIPPINES 2025
Makalipas ang walong taon, muling susugal si Thomas sa beauty pageant dahil kabilang siya sa mga opisyal na kandidata ng 6th Miss Universe Philippines na ipinakilala noong Sabado, Pebrero 15, ng Miss Universe Philippines Organization.
Ang pagkakaiba lang, may asawa at thirty four (34) years old na siya.
Ikinasal si Thomas sa isang foreigner noong October 28, 2023.
Si Thomas ang kinatawan ng Nueva Ecija sa 6th Miss Universe Philippines.
Pero sa kanyang Instagram post noong nakaraang taon, sinabi niya na siya ang representative ng Melbourne, Australia sa nabanggit na patimpalak.
"What an honour to be the first to represent Melbourne, the most multicultural city in Australia.
"As a proud Filipino-Australian, married woman in my 30’s, I am breaking traditional timelines to pursue my dreams,” ang pahayag ni Thomas.
CHANEL OLIVE THOMAS PAST RELATIONSHIP WITH JAKE CUENCA
Higit na nakilala noon si Thomas bilang karelasyon ni Jake Cuenca.
Model pa lamang si Thomas nang magkaroon sila ni Jake ng short-lived relationship noong 2014.
Hindi pa sumasali si Thomas sa mga beauty pageant nang maging girlfriend siya ni Jake at dahil artista ang kanyang boyfriend, well-publicized noon ang relasyon nila.
Taong 2015 nang maghiwalay sila.
Read: Jake Cuenca on efforts to reconcile with Chanel Olive Thomas: “We tried, pero hindi nag-work out."