Apat na taon na ang relasyon ni Yayo Aguila sa isang lalaking M. V. ang initials ng pangalan at hindi artista, pero may kinalaman sa showbiz ang pamilya.
Naganap ang pag-amin ni Yayo nang makausap siya ng Cabinet Files sa story conference ng Isolated, ang pelikula ng Viva Films na pinangungunahan nila nina Yassi Pressman, Joel Torre, Candy Pangilinan, at Wilbert Ross.
Pagtatapat ng aktres, “May boyfriend ako. Happy ako, four years na kami.
"Friend ko siya, hindi siya showbiz pero medyo showbiz ang family niya.
"Mas bata siya ng four years sa akin."
Read: Yayo Aguila gracefully copes with singlehood: “Hindi ko kailangan ng lalaki para buhayin ako.”
View this post on Instagram
YAYO AGUILA'S SECOND CHANCE AT LOVE
Naniniwala si Yayo na ito ang pangalawang pagkakataon ng pagiging maligaya niya matapos magwakas ang dalawampu’t limang (25) taong pagsasama nila ng kanyang dating asawa na si William Martinez.
“May mga bagay na may na-experience ako sa relationship na never kong na-experience sa 25 years kong kasama, like, I get to travel.
"Kasi siyempre apat ang anak ko, di ba? Tutok ka, hands-on ako.
“Ang feeling ko, deserve ko naman na naaalagaan ako versus dati na ako yung nag-aalaga,” sabi ni Yayo tungkol sa relasyon nila ni M. V.
Ayon pa kay Yayo, walang dahilan para ilihim sa publiko ang kanilang relasyon.
“Bakit ko itatago? Hindi naman ako high school.
"Isine-share ko lang kapag may guesting ka, ise-share mo.
"Pero siyempre, it’s not a perfect relationship.”
Nilinaw ni Yayo na hindi sila magkasama ni M. V. sa isang bahay.
At kung siya ang tatanungin, ayaw na niyang mag-asawa muli.
“Ayokong mag-asawa na. Napag-usapan na namin, tapos na ako sa ganoon.
"Puwede naman maging masaya in a relationship pero walang marriage, para walang pressure,” pahayag ni Yayo.
Read: Yayo Aguila admits separation from husband William Martinez
NO REGRETS WITH TWENTY-FIVE YEAR marriAge to WILLIAM
Labing-anim na taon ang edad nang makipagrelasyon si Yayo kay William noong 1983.
Nagsimula iyon nang magkakilala at magkatrabaho sila sa pelikulang Bagets (1984).
Pagbabalik-tanaw ng aktres: “Nung ginawa ko yung Bagets, kaka-16th birthday ko lang. Tapos dun ko nakilala si William, nagtulUy-tuloy na.
“Ikinasal kami sa States, bale nag-live-in muna kami ng four years.
"Nag-meet kami ng 1983, tapos 1987, nagpunta kami sa States kasi immigrant ako.
“Nung nakatira ako kina William... 1984, nakatira na ako sa kanila.
"Yung mother in-law ko, sobrang mahal ko yon kasi para talagang itinuring niya akoNG tunay na anak.”
Read: William Martinez opens up about his depression, fellow Regal Babies, ex-wife Yayo Aguila
Humantong sa hiwalayan ang 25 taong pagsasama nina Yayo at William, pero nilinaw ng aktres na wala siyang pinagsisihan dahil sa kanilang apat na anak na bunga ng pagmamahalan nila ng dating matinee idol.
Saad ni Yayo: “Sa totoo lang, wala naman akong pinagsisisihan sa 25 years namin na mag-asawa.
"Wala, kasi siyempre nagkaroon kami ng apat na anak. And I am so happy na yung mga anak ko, kasama ko sa poder ko.
“In all fairness naman, napa-graduate ko sila lahat na ako lang mag-isa.
"Proud ako sa sarili ko kasi very independent ako saka natutunan ko rin na may mga bagay na hindi mo na rin mapipilit.
“Kapag na-try mo na i-work out, pero na-try mo na ayaw pa rin, siguro talagang may point sa buhay mo na kailangan mong i-take.
"Ite-take mo tapos dun ka nababago.
“Ang dami kong natutunan — to be independent, kung papaano na kami.
"You and me against the world kasi kami.
"Pero ngayon, it’s a different phase kasi lahat ng mga anak ko, nagtatrabaho. Sobrang happy ko.
"So, ngayon nagko-concentrate na ako sa sarili ko."
Read: Yayo Aguila on ex-husband William Martinez: "Buhay niya, buhay ko, walang pakialaman."