Ang staff ng TV Patrol Express ang sinisisi kaya nalagay sa alanganing sitwasyon ang dating PBB Gen 11 housemate na si Jarren Garcia.
Nag-ugat ito nang iupo si Jarren sa TV Patrol Express noong Enero 28, 2025, kung saan iniulat niya ang balita tungkol sa mga artistang nagdadalamhati sa pagpanaw ng Queen of Philippine Cinema na si Gloria Romero.
Read: Legendary actress Gloria Romero dies at 91
Si Jarren ay British-Filipino na nagmula sa London, England.
Makapal ang kanyang British accent at hindi matatas sa pagsasalita ng Tagalog kaya binabatikos, kinukutya, at pinagtatawanan ang paraan ng pagbabalita ng singer tungkol sa namayapang aktres.
@sirbraddeayala JARREN GARCIA Yung reporter ka ng Star Patrol pero conyo ka
? original sound - Brad De Ayala
NOT JARREN'S FAULT
Para sa ibang nakapanood ng TV Patrol Express noong Martes, kawalan ng respeto kay Gloria ang ginawa ng staff ng news program ng ABS-CBN.
Naging katawa-tawa at inaalipusta ang paghahatid ni Jarren ng mga impormasyon sa mga pangyayari sa burol ng namayapang aktres.
Hindi nila sinisisi si Jarren dahil sinunod lamang nito ang mga ipinagawa sa kanya, kahit hindi siya kumportable at kulang ang kakayahan niya.
Awa ang nararamdaman ng ilang netizens para kay Jarren, na napag-uusapan ngayon dahil sa nakakahiyang sitwasyon na hindi naman niya ginusto—ang mabulol at magkandautal-utal habang nagsasalita at nahihirapan sa pagbabasa ng mga Tagalog na salita mula sa teleprompter.
Read: Gloria's daughter and grandson recount last moments with actress