Mula nang mahalal siyang senador ng bansa noong 2022, hindi na nagkaroon ng pagkakataong umarte sa telebisyon at sa pelikula si Robin Padilla.
Pero ikinuwento niya sa Cabinet Files na inalok siya para magkaroon ng importanteng partisipasyon sa Mga Batang Riles, ang primetime action-drama series ng GMA-7 na mapapanood simula sa Enero 2025.
Read: Mga Batang Riles, papalit sa timeslot ng Pulang Araw?
“Hindi ko tinanggap. Hindi na kaya ng oras ko,” sabi ni Robin nang eksklusibo namin siyang makausap sa Konsyerto sa Palasyo, ang pagpupugay sa pelikulang Pilipino na idinaos sa Kalayaan Grounds ng Malacañang Palace, Linggo ng gabi, Disyembre 15, 2024.
Read: Konsyerto sa Palasyo, napapanahong pagpugay at suporta ng gobyerno para sa local film industry
Nabanggit ni Robin na siya ang nagmungkahing si Ronnie Ricketts ang kunin bilang kapalit niya sa Mga Batang Riles.
Pagdating daw kasi sa martial arts ay mas marami ang kaalaman ng kanyang kapwa aktor.
RONNIE RICKETTS REPLACED ROBIN PADILLA?
Hindi maipagkakailang pinakinggan ang mungkahi ni Robin dahil si Ronnie ang kinuha ng GMA-7 para gampanan ang importanteng papel bilang tagapagsanay sa martial arts ng mga batang riles.
Dahil nabanggit lamang ni Robin ang kuwento, posibleng hindi alam ni Ronnie na may kinalaman ang senador sa partisipasyon niya sa Mga Batang Riles.
Tampok sa Mga Batang Riles ang Kapuso young actors na sina Miguel Tanfelix, Kokoy de Santos, Bruce Roeland, Raheel Bhyria, at Antonio Vinzon.
Read: Ronnie Ricketts reveals secret to 30-year marriage with Mariz
Ang mga trabaho niya sa senado ang dahilan kaya dalawang pelikula ni Padilla ang hindi pa nito natatapos dahil sa kakulangan ng oras.
Ito ay ang Bad Boy 3 at ang Plaridel, ang proyekto tungkol sa buhay ng revolutionary writer na si Marcelo H. Del Pilar.
Si Robin din ang napiling gumanap na Gringo Honasan sa isang pelikula tungkol sa dating sundalo at senador.