Ang Boy Kaldag ang launching movie ni Benz Sangalang.
Pero nilinaw ng direktor na si Roman Perez, Jr. na hindi sequel o spin-off ng 1992 film na Totoy Mola ang pelikula na Christmas presentation ng VMX dahil mapapanood ito sa Disyembre 26, 2024.
Third generation ni Totoy Mola ang paliwanag tungkol sa kuwento ng buhay ni Dakz na tinawag na Boy Kaldag dahil well-endowed pero namamatay ang mga babaeng nakakatalik niya.
BENZ, DESERVE ANG KANYANG BIG BREAK?
Maligayang-maligaya si Benz sa pagbibida nito sa Boy Kaldag pero matindi rin ang tensyon na kanyang nararamdaman, kahit marami ang natutuwa at natatawa sa naughty trailer ng dark comedy movie na pinangungunahan niya.
“Masaya po talaga kaso may tensyon, parang ganoon lang pero sobrang saya ko na umabot ako sa estado na ganito na na nabigyan ng break ng Viva at ni Boss Vic del Rosario.
“Medyo nape-pressure ako dahil hindi ko alam kung deserve ko talaga,” ang sabi ni Benz na mabilis ang sagot nang itanong ng Cabinet Files kung validation o pagpapatunay na siya ang tunay na Vivamax King ang pagbibida niya sa Boy Kaldag.
Read: Benz Sangalang, binansagang "Vivamax King"; may hindi pabor?
“Sa totoo po, ayoko na magsalita tungkol sa Vivamax King issue.
“Sina Boss na lang po ang tanungin ninyo, ayokong sa akin manggaling kasi lahat naman kami, walang karapatan na magsabi. Yung may-ari lang, yung owner talaga ng Viva,” ang giit ni Benz na nanindigan na pareho sila ni Boy Kaldag sa tunay na buhay nang isalarawan niya ang karakter ni Dakz.
“Gumanda kasi ang buhay ni Dakz dahil sa malaking ari niya, nakilala, dumami ang pera niya kaso may halong kamalasan dahil kapag na-i-involve siya sa babae, namamatay.”
BENZ, MAY MAIPAGMAMALAKI TALAGA?
Sa tanong ng isang reporter na “Does size really matter?” walang pag-aalinlangan ang sagot ni Benz na, “Oo mahalaga po iyon. Napapansin ko rin naman, umuulit sila, e!”
Alang-alang sa Boy Kaldag, sinabi ni Banz na pumayag ito na gawin ang frontal nudity scene pero walang prosthetic penis na ginamit dahil tulad ni Dakz, may maipagmamalaki rin siya.
Postcript: Kasama sa plano na magkaroon ng partisipasyon sa Boy Kaldag ang Totoy Mola star na si Jay Manalo, pero hindi ito nangyari dahil hindi magtagpo ang schedule nila ni Benz.
Hindi man natuloy ang paglabas ni Jay sa Boy Kaldag, kumbinsido si Benz na magugustuhan ng publiko ang kanyang launching movie.
Read: Benz Sangalang at Victor Relosa, nagpasaringan na naman