Nagkaroon ng hindi magandang karanasan ang isang GMA Integrated News reporter nang imbitahan siya sa Department of Health-sponsored World’s AIDS Day event na ginanap sa Pasig City noong Linggo, Disyembre 1, 2024.
Pinangunahan ni Miss Universe 2015 Pia Wurtzbach ang pagtitipon dahil siya ang ambassador ng LoveYourself, isang community of volunteers na nagbibigay ng free HIV testing, counseling, treatment, at life coaching sa Pilipinas.
Read: The story behind Pia Wurtzbach's auction of Miss Universe items
Nagkaroon ng pagkakataon ang GMA News reporter na makapanayam si Pia.
Pero ilang minuto matapos ang pag-uusap nila, ipinatawag ang reporter ng isang kinatawan ng DOH.
Ayon sa isang saksi na nakausap ng Cabinet Files, nagulat ang GMA News reporter dahil bigla umano itong pinagtaasan umano ng boses ng kinatawan ng DOH.
Sinumbatan umano ng DOH rep ang reporter na hindi raw niya ito binigyan ng permisong interbyuhin si Pia.
Read: BLIND ITEM: Bata, bata, sino ang iyong ama?
DOH REP ALLEGEDLY WANTS GMA NEWS REPORTER TO DELETE INTERVIEW WITH PIA
Sa mataas at galit na tono ng boses, pilit din umanong ipinabubura ng DOH representative sa GMA News reporter ang video ng panayam nito sa dating beauty queen.
Pero hindi nagpasindak ang GMA News reporter.
Malumanay itong nangatuwiran at hindi niya binura ang video ng kanyang interbyu kay Pia.
Hindi naman malinaw kung ano eksakto ang dahilan kung bakit pinabubura ng kinatawan ng DOH ang video ng interview ng reporter kay Pia.
Marami ang nadismaya sa inasal ng kinatawan ng DOH.
Bilang empleyado ng isang government agency, dapat magpakita ng magandang halimbawa ng kagandahang-asal ang kinatawan ng DOH, na nagawa umanong pagtaasan ng boses at hiyain ang isang high-profile news reporter.
Dapat ipaalaala sa lahat ng mga empleyado ng pamahalaan na ang mamamayang Pilipino ang kanilang pinaglilingkuran kaya mahalagag matuto silang igalang ang bawat isa.
Mananatiling bukas ang PEP.ph (Philippine Entertainment Portal) sa panig ng mga sangkot sa isyung ito.
Read: TV personality, walang tumatagal na personal assistant