Nakatitiyak si Chloe San Jose na hindi papatulan o sasagutin ni Ai-Ai delas Alas ang patutsada nito sa kanya sa social media.
Nitong mga nakalipas na araw ay kumalat online ang screenshot ng komento ni Chloe matapos lumabas ang balitang kumpirmadong hiwalay na si Ai-Ai sa mister nitong si Gerald Sibayan.
Nakasaad sa shared post ni Chloe: "Back to you mamang, hindi para pagtawanan ang sitwasyon mo pero ang ginagawa mo sa iba ay babalik din sa'yo ng 10x —it's just the universe's law."
Read: Chloe San Jose takes a swipe at Ai-Ai after split from Gerald
Ayon sa Reddit, naka-"friends of friends" umano ang post na ito ng girlfriend ni Carlos Yulo kaya hindi ito makikita ng mga hindi niya friend at pina-follow sa Facebook.
Pero hindi ito sasagutin ni Ai-Ai.
AI-AI HINDI PAPATULAN SI CHLOE
Una, hindi nagbanggit si Chloe ng pangalan ng taong tinutukoy niya. Kahit na may screenshot ng artikulo tungkol sa hiwalayan nina Ai-Ai at Gerald.
Read: Ai-Ai delas Alas, hiwalay na sa asawang si Gerald Sibayan
Pangalawa, magkaibang-magkaiba ang isyu dahil maganda ang intensiyon ni Ai-Ai sa unsolicited advice nito kay Chloe — na igalang ang ina ng kanyang boyfriend na si Carlos noong panahong pinagpipistahan ng publiko ang hidwaan nina Chloe at Angelica Yulo.
Bahagi ng payo ni Ai-Ai kay Chloe: “Kasi nanay yan, e. Kung wala yung nanay niya, wala kang darling ngayon. Kaya, girl, huwag mo siyang aawayin.
"Tsaka hindi ka pa asawa, girl. Girlfriend ka pa lang. Kapag asawa ka na, puwede na. Pero kapag girlfriend pa lang girl, huwag mo munang awayin.
"Kasi alam mo naman ang mga mommy, di ba? Isa yan sa mga way na magiging harmonious ang inyong relationship."
Read: Ai-Ai delas Alas, proudly Team Nanay sa Pamilya Yulo family feud
Pero hindi maitatangging gaya ni Angelica, nakaranas ng “disrespect” si Ai-Ai nang tapusin ng kanyang asawang si Gerald ang kanilang sampung taong relasyon sa pamamagitan lamang ng text message.
Nakasaad sa test message ni Gerald na hindi na siya masaya at gusto na niyang magkaroon ng anak.
Read: Ai-Ai delas Alas confirms breakup with husband Gerald Sibayan
Para sa mga netizen na nakikisimpatiya kay Ai-Ai, hindi umano nagkakalayo ang mga ugali nina Chloe at Gerald.
AI-AI'S DAUGHTER SOPHIA MESSAGE TO CHLOE
Hindi man pinatulan ni Ai-Ai ang pasaring ni Chloe, hindi ito pinalampas ng nag-iisang anak na babae ng Comedy Queen na si Sophia delas Alas.
Kilala si Sophia na palaban, matapang, at hindi papayag na maagrabyado ang nanay niya.
Tulad ng girlfriend ni Carlos, Inglesera si Sophia na matapang na hinamon si Chloe na isapubliko nito ang social media post na pinaniniwalaan niya na para sa kanyang ina.
Sinabi ni Sophia sa mensahe na ipinadala nito kay Chloe: “I-public mo naman yung post mo regarding my mom kung matapang ka talaga. Haha.
“Girlfriend ka LANG naman talaga so why do you find that offensive?
"Lol, wag lang kita makita sa Manila baka ako naman ang magdala sayo ng karma, girl."
Read: Ai-Ai delas Alas and Miguel Vera's daughter Sophia marries fiancé in a civil ceremony in Los Angeles