Sinabi ni Vic Sotto sa direktor na si Mike Tuviera na hindi niya tatanggapin angThe Kingdom kung hindi si Piolo Pascual ang kanyang makakasama sa pelikula.
Ang The Kingdom ang isa sa sampung opisyal na kalahok sa 50th Metro Manila Film Festival (MMFF) na mag-uumpisa sa Disyembre 25, 2024.
Ito ang kauna-unahang pelikulang pinagsamahan nina Vic at Piolo. Co-production venture ito ng APT Entertainment, MQuest Ventures, at M-Zet Productions.
Read: Vic Sotto and Vice Ganda movies make it to MMFF 2024
Sa panayam sa kanya ng Cabinet Files ngayong Martes ng gabi, Oktubre 22, 2024, sinabi ni Vic na isang magandag karanasan para sa kanya ang makatrabaho si Piolo sa isang proyekto.
“Working with a professional like Piolo is a very good experience for me. Nung in-offer sa akin yung project at nalaman ko na si Piolo ang makakasama ko, I was very excited about it.
“Sabi ko kay Mike, kung hindi si Piolo, ayoko na. Alam ko ang galing niya and the concept calls for a high calibre actors and actress.
“Parang hindi totoo, e. ABS-CBN talent siya and I was with GMA 7, TV5, and other networks. So, parang, paano kami magkakatrabaho?
“Pero fortunately and luckily, nagkasama kami. It’s a good thing, exciting,” pahayag ni Vic.
Read: 31 finished films isinumite para sa last 5 slots ng MMFF 2024
NO BONDING ON THE SET
Pero sa kabila ng kanyang mga papuri kay Piolo, isiniwalat ni Vic na hindi sila nagkakaroon ng bonding moments sa set ng The Kingdom dahil sa mga karakter na kanilang ginagampanan.
“Bonding, hindi puwede, e,” pagtatapat ni Vic.
“If you watch the movie, hindi kami magkaibigan. So, ako talaga, I tried staying away.
“Iba kasi yung best friend mo tapos ganito ang eksena, ang hirap.
"Mas believable yung eksena na first time kaming magkikita, may drama sa likod ng buhay niya, may drama sa likod ng buhay ko, magkikita kami, mas effective.
“But we are friends, hindi lang kami nagba-bonding.”
NOT A COMEDY MOVIE
Itinuwid din ni Vic na hindi comedy kundi straight drama ang The Kingdom.
Saad ng veteran comedian-TV host: "Correction, hindi medyo drama. Drama talaga, full-straight drama.
"It’s a family drama, action, and as my director Mike Tuviera calls it, alternate reality.
“So, doing a serious film from start to finish, no comedy whatsoever, not even a tinge of comedy, is something new for me and challenging.
“Nung start, iniisip ko pa lang, parang pagod na ako, e. Parang nakakapagod ang gagawin.
"But after a few shooting days, nakuha ko na yung vibes. It was not really that hard from comedy.
"Kasi comedy, drama, action, it’s all acting, so it’s nothing really different for me.
“Although I would say it’s challenging, acting pa rin, e.”
Ano ang mga aral na matututunan ng mga kabataan mula sa kuwento ng The Kingdom?
Ayon kay Vic, “Meron kaming dalawang researchers, historians.
“Actually, yung isa nga, nagtatrabaho pa sa Pasig, kay Mayor Vico, sa cultural churva ng Pasig."
Ang "Mayor Vico" na tinutukoy ni Vic ay ang kanyang anak kay Coney Reyes na si Pasig City Mayor Vico Sotto.
Pagpapatuloy ng Eat Bulaga! host, “Maraming matututunan about our Filipino heritage — lakan, magat, datu, dayang, lakambini, yan yung mga title.
“Lakambini is queen. Lakan is king. Magat is prince. Dayang is princess.
“Kahit ikaw, kahit ako, maraming matututunan.
"Marami akong natutunan tungkol sa pagka-Pilipino. Tungkol sa heritage natin na napakaganda sana.”