Matapos maghain ng Certificate of Candidacy (CoC) para sa pagkandidato niya bilang independent senatorial candidate sa midterm elections sa 2025, ang pagpapakundisyon ng katawan ang pinagkakaabalahan ni Willie Revillame para sa bagong kabanata ng buhay niya.
Ngayong Linggo ng gabi, Oktubre 13, magkasama si Willie at ang sports occupational therapist na si Hazel Calawod dahil namimili sila ng mga gym equipment.
Read: Willie Revillame confirms run for senator in 2025 elections
Si Hazel ang sports occupational therapist ng two-time Paris Olympics gold medalist na si Carlos Yulo.
Kinuha ni Willie ang kanyang serbisyo para matulungan ang Wil To Win host sa fitness regimen nito.
Sa pamamagitan ng isang social media post, ibinahagi ni Willie ang larawan ng training session nila ni Hazel
Caption ng TV host dito: “Umpisa na para ma-kundisyon ang health ng mind and body ko for a commitment.
“With Coach Hazel Calawod the personal trainer of Olympic Gold Medalist Carlos Yulo.”
Read: Meet Hazel Calawod, Carlos Yulo's sports occupational therapist
Ang pagkandidato bilang senador ang commitment na tinutukoy ni Willie dahil alam niyang mahalaga na physically fit siya sa kanyang pagbisita sa buong sulok ng Pilipinas kapag nag-umpisa na ang panahon ng pangangampanya.
Ang 42nd floor ng Wil Tower ang gagawin ni Willie na gym, at dito mangyayari ang one-on-one training sessions nila ni Hazel.
Read: How Hazel Calawod helps secure Carlos Yulo's twin victory
WILLIE'S CAMPAIGN SONG
Ibinahagi naman ni Willie sa Cabinet Files ang kantang kanyang gagamitin sa pangangampanya.
Halaw ito mula sa original theme song ng Wowowee, ang dating noontime program niya sa ABS-CBN na napanood sa telebisyon mula 2006 hanggang 2010.
Komposisyon ni Lito Camo ang theme song ng Wowowee na akmang-akma ang lyrics sa bagong yugto ng buhay na tatahakin ni Willie, pero iniba lamang niya ang ilang bahagi ng kanta.
Nagkaroon ng karapatan si Willie sa Wowowee theme song dahil siya ang nanalo noon sa kasong isinampa ng ABS-CBN laban sa kanya nang iwanan niya ang Kapamilya Network para lumipat sa TV5.
Read: Supreme Court junks ABS-CBN copyright infringement case vs Willie Revillame, TV5