Pormal nang naghain ng Certificate of Candidacy (CoC) si Willie Revillame bago matapos ang deadline na alas-singko ng hapon ngayong Martes, Oktubre 8, 2024.
Nagpunta siya sa Manila Hotel na ginawang satellite office ng Commission on Elections (Comelec) para sa filing of candidacies mula Oktubre 1 - Oktubre 8, 2024.
Tatakbo si Willie sa pagka-senador sa 2025 elections.
Walang partidong kinaaaniban si Willie, kaya siya ay tatakbong independent candidate.
Read: Willie Revillame confirms running for senator in 2025 elections
Mabilis na kumalat ang balita tungkol sa desisyon ni Willie na kumandidato kaya inabangan ng media ang pagdating niya sa Manila Hotel tent.
Noong Hunyo 2021, kinumbinsi umano si Willie ni dating Pangulo Rodrigo Duterte para tumakbong senador sa halalan ng Mayo 2022, pero tumanggi ang kilalang TV host.
“Hindi pa ako handa noon,” paliwanag ni Willie sa Cabinet Files sa pagtanggi niya sa alok ni Duterte.
Pero ngayon, handa na umano siyang harapin ang hamon ng mundo ng pulitika at ang papasuking bagong yugto ng kanyang buhay.
Read: Willie Revillame, hinihikayat ni Pangulong Duterte tumakbo sa 2022
WHAT WILL HAPPEN TO WIL TO WIN?
Sa question-and-answer portion matapos siyang magsumite ng CoC, hiniling ni Willie sa media na tanungin siya sa wikang Pilipino para higit umanong maintindihan ng lahat ang sasabihin niya.
Tinanong siya sa mangyayari sa game show niyang Wil To Win dahil sa paghahain nito ng kandidatura sa pagkasenador.
Sagot ni Willie: “Sa pagkakaalam ko sa rules ng Comelec, until February 10, 2025, puwede pa akong mag-live show.
"So, I still have five months na makakapag-live ng 5:00 p.m. to 6:30 p.m. sa TV5.
“So, puwede pa ho akong magtrabaho, pero pagdating ng February 11, mag-stop na, and that will start the campaign.
“Kapag nanalo, kapag palarin at pagkalooban ng Panginoong Diyos na ako ay makapaglingkod nang tapat at walang halong pag-iisip ng masama sa aking mga kasama, ako ay babalik, like kay Senator Tito Sotto na may Eat Bulaga! pa rin.”
Kagaya ni Willie ay tatakbo ring senador si Vicente "Tito" Sotto III sa 2025 elections.
WHAT PROMPTED WILLIE TO RUN FOR SENATOR
Tinanong din si Willie kung ano ang nag-udyok sa kanyang tumakbong senador.
“Yung mga nakikita 'kong away. Awayan nang awayan, mga edukado," pagtukoy ng TV host sa mga senador na nag-aaway sa plenaryo.
Read: Cayetano at Zubiri, nag-apologize matapos magkainitan sa Senado
Pagpapatuloy ni Willie, "E, ang tingin nila sa mga artista, masyadong mababa.
"Aba, kami’y may mga magagandang puso para sa ating mga kababayan.
“Ano ba ang purpose ng isang senador? Hindi ako abogado. Hindi ako nakatapos.
"Pero ang purpose dapat ng bawat senador, bawat nagpa-public servant, bawat namumuno sa anumang local government, mabuting puso ang meron ka.
“Ang dapat mong iniisip lagi, yung mga kababayan mo.
"Marami nang batas na ginawa, marami nang mga presidente ang dumaan, maraming senador na ang dumaan, pero yung buhay ng mga kababayan nating mahihirap, nagbabago ba?”
Related Stories:
- Aiko Melendez, Ara Mina, Shamcey Supsup tatakbong konsehal sa 2025
- Angelu de Leon, Yeoj Marquez, Camille Villar nagsumite ng COC
- Vico Sotto, Michael Pacquiao file COC for 2025 elections
- Wendell Ramos at Ben Tulfo, naghain ng certificate of candidacy
- Dan Fernandez, Gem Castillo-Amante naghain ng COCs sa Laguna
- Sam Verzosa, pormal nang naghain ng kandidatura para Manila mayor
- Marjorie Barretto, muling tatakbong konsehal sa Caloocan City
- Nora Aunor, Abby Viduya, Aljur Abrenica tatakbo rin sa 2025
- Marco Gumabao, Enzo Pineda, Ion Perez tatakbo sa 2025 elections
- Richard at Lucy, Alfred Vargas, Arjo Atayde nag-file na ng COCs
- Vilma Santos, sons Luis and Ryan file COC in Batangas
- Zanjoe Marudo, DJ Durano, Cai Cortez nagsumite rin ng COC
- Angelika dela Cruz at Bobet Vidanes, tatakbong vice-mayor sa 2025