Si Daumier "Dom" Corilla ng Pilipinas ang nagwagi sa Mister Global 2024, ang annual Thailand-based male beauty pageant.
Ginanap ang grand coronation sa MCC Hall, The Mall Bang Kapi, Bangkok, Thailand, noong Linggo, Oktubre 6, 2024.
Ang kanyang tagumpay ang nagpasaya kahit papaano sa Filipino pageant fans na labis nalungkot sa pagkatalo ni Ahtisa Manalo sa Miss Cosmo 2024 na idinaos sa Vietnam, noong Oktubre 5.
Ang Empire PH ang nagpadala kina Dom at Ahtisa sa international pageants.
Read: Indonesia's Ketut Permata Juliastrid wins Miss Cosmo 2024; Ahtisa Manalo bags two special awards
Tatlumpu’t dalawa (32) ang bilang ng mga opisyal na kandidato mula sa iba’t ibang bansa ng 10th edition Mister Global.
Ang 28-year-old na si Dom ang nakasungkit ng korona para sa Pilipinas sa kauna-unahang pagkakataon.
First runner-up sa Mister Global 2024 si Manuel Romo ng Spain, second runner-up si Favour Ogbuokiri ng Nigeria, third runner-up si Patrick Pho-ngam Forstner ng Thailand, at fourth runner-up si Luiz Mascarenhas ng Brazil.
DOM CORILLA'S NATIONAL COSTUME
Para sa National Costume competition, nagbihis si Dom bilang Apolaki, ang Filipino God of War and The Sun.
Sa Top 11 speech round, ang kultura ng bayanihan sa Pilipinas ang ipinagmalaki ni Dom.
Pahayag niya: "The Philippine culture that I want to exercise globally is bayanihan, which means one with your country, one with your community and, in simple terms, love your neighbor.
"Because if you start loving your neighbor, imagine the world peace that we can achieve, the conflicts and wars that we can prevent.
"So if we apply this culturally around the globe, we can really make a difference.
"But it starts with us, it starts with you."
FINAL QUESTION AND ANSWER
Para sa final question kay Dom, binigyan siya ng tatlumpung segundo para sagutin ang tanong na “Can men be feminist?”
Sagot ni Dom: “Men can be feminist.
"It doesn’t matter what role you do as long as you do it with passion, with care, with friendship, and with love.
“In today’s society, we cannot choose where we will end up but we can choose how we end up there.
"So, with this, men can be feminist."