Pupunta sa Paris, France sa susunod na buwan ang pamilya ni Patricia Javier dahil rarampa ang kanyang panganay na anak na si Robert Douglas Walcher IV sa Paris Fashion Week sa Oktubre 4, 2024.
Si Robert IV, Mr. Teen International 2023 titleholder, ang isa sa mga modelo ng U.S.-based Filipino-American designer na si Kenneth Barlis.
Read: Mister Teen International 2023 Robert Walcher IV, rumampa sa Thailand Fashion Week
“He’s always working out, eating healthy food and busy rehearsing his runway walk,” sagot ni Patricia nang itanong ng Cabinet Files ang mga paghahandang ginagawa ng anak niya para sa Paris Fashion Week.
“He’s very excited kasi first time niyang makakasali sa Paris Fashion Week at makakasama niya ang iba’t ibang mga model mula sa iba’t ibang panig ng mundo.
“The event is two days only but we are joining him, my husband Dr. Rob and our youngest son Ryan.
"Wala naman conflict sa school nila dahil semestral break kaya we can all go. Parang family vacation na rin.
“We are flying to France on October 1 and we will celebrate the 13th birthday of Ryan there. He’s turning 13 on October 2.”
Read: Patricia Javier, "mommy-ger" ng modelong si Robert Douglas Walcher IV
ROBERT IV TO FOLLOW IN HIS FATHER'S FOOTSTEPS
Ayon kay Patricia, sinusulit ni Robert IV ang panahon nito bilang ramp model dahil ang pag-aaral pa rin ang pangunahing priority ng kanyang anak.
Desididong makatapos ng college course at sundan ang yapak ng tatay niya nilang chiropractor.
“Robert is serious with his studies. After high school, he will take a pre-med course.
"Four years yon then another four years for his chiropractic degree in USA.
“Pero sinabi ni Robert na gagawin niya ang lahat habang nandito siya sa Pilipinas. Tatanggap pa rin siya ng mga TV guesting, modelling stints, at product endorsements.
“Madalas din siyang naiimbitahan na judge sa mga beauty pageant. Saka tinutulungan nila ako ni Ryan sa mga community charity work ko, like Balik-Eskuwela,” lahad ni Patricia.