Trigger Warning: sexual harassment
Mainit na isyu ngayon ang sexual harassment sa mga kalalakihan sa showbiz dahil sa mga sunud-sunod na rebelasyon nina Sandro Muhlach, Gerald Santos, Ahron Villena, at ng news researcher ng TV5.
Ang apat ay pare-parehong umaming biktima sila ng seksuwal na pang-aabuso sa iba’t ibang panahon at pagkakataon.
Read: Sandro, Gerald, TV5 talent scandals pinagpipistahan ng publiko
Sa media conference ng Vivamax movie na Butas ngayong Martes ng hapon, Agosto 27, 2024, tinanong ang lead actor nitong si Albie Casiño tungkol sa sexual harassment sa male celebrities.
Pasintabi muna ni Albie, “I always speak for myself but I don’t want to speak and maybe invalidate other people. So, yun ang unang-una kong sasabihin.
“Everything I can say right now is only based on my sole experience.
"I can’t talk about anyone else’s experience other than my own because everybody has the right to live their own experience.
"But this is, like I’ve said, my experience."
Ayon sa aktor, “Never naman may nangyari where I felt taken advantage of. Never!
"I’ve worked with multiple directors and I’ve had to wear plaster multiple times, and I’ve never felt violated.
“Thank God na rin that it never happened to me. But like I said, I don’t wanna be invalidating anyone else’s experience.”
Read: CCTV footage shows Sandro Muhlach's state after alleged incident
WORKING WITH DIRECTOR WHO IS UNDER FIRE
Nadadawit din ngayon sa isyu ng sexual harassment ang award-winning director na si Joel Lamangan dahil sa naging rebelasyon ng aktor na si Ahron Villena.
Bagamat walang binanggit na pangalan si Ahron sa kanyang social media post, kung saan inilahad niya ang naranasang pang-aabusong umano sa shooting ng isang pelikula noong baguhan pa lamang siya, may mga netizen na naniniwalang si Direk Joel ang pinatutungkulan ng aktor.
Read: Did Ahron Villena take a swipe at director Joel Lamangan?
Sa panayam kay Albie kanina, hindi niya tahasang binanggit ang pangalan ni Direk Lamangan, pero iginiit niyang hindi siya nagkaroon ng masamang karanasan sa direktor na ilang beses na niyang nakatrabaho.
Saad ni Albie, “I’ve never had anything bad... I want to say something kasi I feel like this director I’ve worked with before is kinda under fire.
"But like I said, I’ve worked with him and nothing bad ever happened."
Nakatrabaho ni Albie si Direk Joel sa drama films na Rainbow's Sunset (2018), Isa Pang Bahaghari (2020), Moonlight Butterfly (2022), at sa Vivamax movie na Biyak (2022).
Naranasan na ba niyang masilipan siya?
“Hindi ako sure.Siguro nung nasa PBB [house] ako. Panay camera doon,” sagot ni Albie.
Kinumpirma ng aktor na may mga camera sa loob ng banyo ng Pinoy Big Brother house nang maging housemate siya ng PBB Kumunity Season 10 noong 2021.
Nang tanungin naman tungkol sa assurance na hindi lalabas ang video na kuha mula sa PBB bathroom, sinabi ni Albie, “Ang iniisip ko lang, sa tagal ng PBB, kung may chance na lumabas yon, may lumabas na dati pa.”