Dalawang panganay na anak ng Philippine showbiz icon ang magkasunod na nasangkot sa malaking kontrobersiyang pumukaw nang husto sa kamalayan ng publiko.
Una, ang pagkalat ng alleged private videos ni Mark Anthony Fernandez, anak ng yumaong action star na si Rudy Fernandez sa actress-politician na si Alma Moreno.
Read: Mark Anthony Fernandez tahimik lang sa sariling kontrobersya
At pangalawa, ang pinag-uusapan ngayong pang-aabuso umano kay Sandro Muhlach, anak ng former Child Wonder na si Niño Muhlach.
Read: Nino Muhlach, sino ang pinatatamaan sa cryptic post?
Hindi pa naglalabas ng opisyal na pahayag si Sandro at ang pamilya nito tungkol sa isyung kanyang kinasasangkutan.
Pero ang mga social media post ng mga kamag-anak niyang humihingi ng katarungan ang matibay na basehan ng katotohanan sa balitang biktima ng karahasan si Sandro.
Dahil sa isyu ni Sando, saglit na natabunan ang kontrobersiya tungkol kay Mark.
Read: Muhlach family declares war amid controversial issue
MUHLACH'S QUEST FOR JUSTICE
Inaabangan ang pagsisimula ng imbestigasyon sa kaso ni Sandro dahil sa impormasyong dumulog na siya at ang kanyang pamilya sa isang ahensiya ng pamahalaan.
Reportedly, nagpaabot na rin ng mensahe ng pagtulong sa pamilya Muhlach ang mga mambabatas na may kaugnayan sa showbiz na labis na nabahala sa nangyari sa 23-year-old actor.
Si Senator Ramon "Bong" Revilla Jr. ang isa sa malapit na kaibigan ni Niño. Magkasama sila sa Kapuso action-comedy series na Walang Matigas na Pulis sa Matinik na Misis.
Inaasahan at pinaniniwalaang tutulungan ni Bong si Niño at ang anak nito sa malaking pagsubok na kinakaharap ngayon ng mag-ama, pero hindi pa nagbibigay ng pahayag ang senador.
Coincidentally, may kaugnayan sa show nina Bong at Niño, na magkakaroon ng Season 3 sa Disyembre 2024, ang isa sa mga akusado sa pang-aabuso kay Sandro.
THE INCIDENT
Ayon sa mga ulat na lumabas, si Sandro ang tinutukoy na "artist" na biktima umano ng pang-aabuso ng dalawang "independent contractors" ng GMA Network.
May mga netizen na hayagang binanggit ang mga pangalan ng dalawang pinaghihinalaan, na parehong program executives, ngunit hanggang ngayon ay wala pa rin silang opisyal na pahayag tungkol sa akusasyon laban sa kanila.
Read: Newbie actor, muntik nang maging "midnight snack" ng TV execs
Trivia: Limang taon ang edad ni Niño Muhlach nang una nitong makatrabaho si Rudy Fernandez sa pelikulang Bongbong, na ipinalabas sa mga sinehan noong Oktubre 8, 1976.