Filipino-American guerilla ang karakter na ginagampanan ni Alden Richards sa Pulang Araw.
Hindi ito nalalayo sa tunay na pagkatao niya dahil nananalaytay sa kanya ang dugong Amerikano.
Ang Pulang Araw ang bagong primetime war drama series ng GMA-7 na mapapanood simula sa Lunes, Hulyo 29, 2024.
Pinangungunahan ito ni Alden, kasama sina Barbie Forteza, Sanya Lopez, David Licauco, at Dennis Trillo.
ALDEN RICHARDS'S AMERICAN BLOOD
Sa panayam ni Boy Abunda kay Alden sa Fast Talk with Boy Abunda ngayong Biyernes ng hapon, Hulyo 26, ibinahagi niya ang kasaysayan ng kanyang pagkakaroon ng American blood.
Lahad niya: “My grandfather died when I was three years old sa California.
"And then, the reason why my grandmother and my lolo met was during the time of war, second World war.
“My grandfather was part of a telecommunications company based in the U.S. and they were bringing in technology here in the Philippines. Dun po sila nag-meet.
“My dad [Richard Faulkerson Sr.] was born here with my aunt. So, may kapatid po si Dad.”
"Sobrang chill" naman ang paglalarawan ni Alden sa kanilang pamilya kaya itinuturing niyang mapalad siya.
Ayon kay Alden, “I am really blessed because my dad, parang da one, when I started earning money for show business, hindi po [siya] nakialam.
“He let me fall, he let me gain some, lose some and learn some more.
"So, that’s why yung literacy ko when it comes to handling my finances, I’m not saying topnotch, but I know how to manage my funds and my money.
“Dahil po sa kanya yon dahil hindi po ako pinakialaman.”
ALDEN RICHARDS UNDERWENT APPENDECTOMY
Isa pa sa bagong rebelasyon ni Alden ay wala na siyang appendix dahil sa appendectomy procedure sa kanya.
May matututunang aral mula sa kuwento ni Alden, lalo na ang mga taong nasanay nang mag-ehersisyo pagkatapos kumain, tungkol sa operasyon sa kanya noon dahil mahilig siya sa workout.
“Parang, I started going to the gym when I was 17.
"And I think isa po yon sa reason kung bakit po ako naoperahan sa appendix kasi I eat then I work out.
“So ngayon po, wala na akong appendix,” pagtatapat ni Alden.
ALDEN'S UPCOMING ANNOUNCEMENT
Nang kumustahin naman ni Boy ang kasalukuyang sitwasyon ng kanyang lovelife, sabi ni Alden, “In all honesty naman, I am enjoying my time.
“Nag-e-enjoy ako, yung mga ganitong bagay.
"Pero if ever man po na, of course, Titoy Boy, eto na lang, just to, you know, to, like, settle this question...
“Magpapa-presscon ako, Tito Boy, kukunin kitang host. Mag-a-announce na po ako officially kung sino. Promise, Tito Boy!”