Nagwakas noong Biyernes ng gabi, Hunyo 7, 2024, ang pitong buwan na partisipasyon ni Matteo Guidicelli sa Black Rider, ang action-drama primetime series ng GMA-7.
Read: Sarah Geronimo, all-out support sa MMFF 2023 entry ni Matteo Guidicelli
Pinatay na si Rafael "Paeng" Policarpio, ang karakter na kanyang ginampanan.
"Salamat Black Rider. Paalam," ang mensahe ng pasasalamat ni Matteo ilang oras matapos ipakita sa Black Rider ang eksena ng pagkamatay ng kanyang karakter.
Ikinagulat ito ng mga sumusubaybay sa programa ng GMA-7 dahil hindi nila inaasahan ang pamamaalam niya.
Hindi lamang ang karakter ni Matteo ang mawawala sa Black Rider dahil pinatay na rin si Joan, ang papel na ginampanan ni Arra San Agustin.
Pinaniniwalaan na may kinalaman ang season ender ng Black Rider sa pagbabawas ng mga karakter ng programa na pinangungunahan ni Ruru Madrid.
Ang Black Rider ang pangalawang proyekto ni Matteo sa Kapuso Network mula nang pumirma siya ng kontrata noong Mayo 2023.
Nawala man siya sa Black Rider, patuloy na mapapanood si Matteo sa GMA-7 dahil nananatili siya na co-host ng Unang Hirit, ang early morning program ng Kapuso station.
Noong Mayo 27 ang huling araw ng taping ni Matteo para sa Black Rider — na isa sa mga dahilan kaya marami sa ibang mga proyekto ang hindi niya nagawa na epekto ng kanyang mahigpit na schedule.
At dahil tapos na ang partisipasyon ni Matteo sa Black Rider, regular na uli na mapapanood siya sa Unang Hirit habang hindi pa nag-uumpisa ang ibang mga nakalinya niya na proyekto sa GMA-7.
Ang isa pang nakapila na proyekta niya ay ang pinaplano na pagtatambal nila ng kanyang asawa na si Sarah Geronimo sa Philippine adaptation ng South Korean movie na Wonderful Nightmare.
Read: Sarah Geronimo, may shoutout kay Mommy Divine sa Billboard Women in Music Awards 2024