Parehong dumalo sa pagdiriwang ng ika-75 kaarawan ni Dionisia Pacquiao ang dati niyang asawa na si Rosalio Pacquiao at ang kanyang current partner na si Mike Drilon Yamson sa General Santos City, noong Mayo 15, 2024.
Naroon din siyempre ang mga anak ni Mommy Dionisia, sa pangunguna ng mag-asawang Manny Pacquiao at Jinkee Pacquiao, mga apo, at mga kaibigan niya.
Read: Dionisia Pacquiao celebrates 70th birthday with simple dinner
Ibinihagi ni Jinkee sa Instagram account nito ang ilan sa mga larawang kuha mula sa selebrasyon gaya ng sama-sama nilang pagdarasal para sa kanyang biyenan.
Sa bihirang pagkakataon, nakunan ng litrato ang ama ni Manny na kasama si Mike, ang kasalukuyang karelasyon ng kanyang ex-wife.
Patunay itong maayos ang samahan ng kanilang blended family.
View this post on Instagram
MIKE YAMSON'S BIRTHDAY MESSAGE FOR MOMMY DIONISIA
Mahigit sampung taon na ang relasyon nina Mike at Mommy Dionisia.
Kahit marami ang nang-iintriga sa dalawampu’t apat na taong agwat ng kanilang mga edad, nananatili na matatag ang pagsasama nila.
Read: Mommy Dionisia Pacquiao, “honey” Mike Yamson celebrate 10th anniversary
Nang hingan si Mike ng mensahe para sa nobya nitong higit na matanda sa kanya, mangiyak-ngiyak na nagpasalamat siya sa lahat ng mga naniniwala at sumusuporta sa kanilang relasyon.
“Una sa lahat, nagpapasalamat po ako sa lahat ng mga sumusuporta sa kaarawan ng aking honey, si Mommy D.
“Lagi po akong nagpapasalamat dahil sa suporta na ibinigay sa amin,” pinipigil ang luhang pahayag ni Mike.
Nagbitaw rin ng pangako si Mike na hindi niya pababayaan ang ina ni Manny Pacquiao.
Read: Manny Pacquiao reveals Mommy Dionisia has 40-year-old boyfriend
Aniya, “I’m always here for you. I am her shoulder to cry on. I always take care [of her].
"Lagi kitang aalagaan even maraming against sa atin, but hindi ko sila pinapansin because what I feel for you, I will always be by your side kasi ganoon kita kamahal.
“Tandaan mo lang, hindi kita iiwan."
Dagdag pa ni Mike, "Maraming salamat sa mga anak [niya] na sumusuporta sa amin, sa mga naniniwala sa amin regardless sa ups and downs.
“But I still thank the Lord dahil we’re still together. We’ve been together more than ten years now so we thank you everyone sa mga suporta ninyo.
"Maraming salamat at God bless us all."
Pagkatapos nito ay ginawaran niya ng masuyong halik sa pisngi si Mommy Dionisia.